Anson Lo演唱會丨阿Sa任嘉賓出道22年保持水準 網民欽敬：用實力證明冇咪嘴

盧瀚霆（Anson Lo）舉行一連4場《ANSON LO “THE STAGE” IN MY SIGHT SOLO CONCERT 2023》，昨晚一場嘉賓為蔡卓妍（阿Sa），二人合唱《女人味》同《多謝失戀》兩首Twins嘅歌，唔少粉絲都話好有驚喜同火花。

同場加映： 譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

Anson Lo唱完《女人味》一開口就係「我細細個⋯⋯」阿Sa笑住嘆氣，並表示已經遇過無數次以上情況。教主隨即改口：「我一年前每個星期都去抽Yes卡，抽唔到Twins就會喊，會扭計同唔開心，同埋我係有齊晒所有Twins嘅CD。」阿Sa表示十分開心能擔任嘉賓，並分享二人相識的過程，「喺一間串燒鋪，我哋一齊食過串燒，嗰時你話我聽要去比賽，我仲叫你加油，所以今日嚟到呢度係好替你高興。」

{{hket:inline-image name="363323939_18374295091017558_7727419172869379209_n.jpg"}}{{/hket:inline-image}}

之後二人再手拖手合唱《多謝失戀》，Anson Lo之後與阿Sa擁抱，表示要到後台換衫，阿Sa表示︰「我幫你換？快啲過嚟！姐姐幫你換衫！」Anson Lo即扮驚訝表示︰「你講笑咋嘛！」 阿Sa再說︰「你想唔想呀？」Anson Lo就答︰「姐姐呢個問題有啲驚險。」

除咗二人嘅相識經過，最精彩莫過於佢哋嘅唱功，二人唱每個音都有如走喺鋼線上面，觀眾睇concert可以有去睇馬戲團嘅體驗，實在係值回票價。阿Sa唱《女人味》時就有如「行走嘅CD」，好似錄出嚟咁完美，加上同Anson Lo連番勁舞，氣都唔喘下，令人嘆為觀止。不過去到《多謝失戀》時阿Sa嘅音準就同22年前初出道時一樣，成功保住初心；而Anson Lo把聲就唔係好入咪，加埋現場fans熱情呼叫，真係要估下歌仔。之前阿Sa做林俊傑演唱會嘉賓時就惹嚟咪嘴疑雲，估唔到阿Sa今次可以幫自己贏番名聲，網民都紛紛留言評價佢哋呢場世紀合唱：「用實力證明冇咪嘴」、「高手過招，有來有往，比併得好激烈。」、「好似聽緊二胡同中胡合奏咁」、「阿Sa唱咗廿年都keep到水準。」

圖片來源：Instagram