《一舞傾城》Many媽︳52歲顏仟汶嚴重過敏全身出疹 經歷恐怖8小時 嘆生命好脆弱

52歲顏仟汶近年出鏡率幾高︰《家族榮耀》、《黑金風暴》、《獅子山下的故事》及《一舞傾城》等劇集，皆見其演出，當中《一舞傾城》飾演舞廳的落魄媽媽生「Many媽」，跟「沙律媽」陳法蓉是相識多年的好姊妹，火花連連，再次引起不少觀眾的關注。

同場加映：

張敬軒想盡辦法唔返屋企食飯 全因「姐姐」創意料理無啖好食

{{hket:ul-video id="8770"}}{{/hket:ul-video}}

{{hket:inline-image name="07253002.jpg"}}{{/hket:inline-image}}

{{hket:inline-image name="362686714_848271763514355_3636523920852924008_n.jpg"}}{{/hket:inline-image}}

{{hket:inline-image name="362286847_848272196847645_8982339808085339872_n.jpg"}}{{/hket:inline-image}}

早前顏仟汶也有參加《中年好聲音2》海選，在評判伍仲衡、肥媽面前，選唱梅艷芳歌曲《蔓珠莎華》，伍仲衡讚揀啱歌，肥媽就舉起拇指示意OK，估計入圍機會頗大。顏仟汶續於內地商演，日前去了廣東陽江市登台，回家後卻出現皮膚過敏，凌晨兩時半左右，手腕、眼睛及小腿有紅腫情況，全身痕癢難耐，最終忍到朝早九點入醫院睇急症。

中年好聲音丨屯門娜娜再現海選排隊再接再厲？ 52歲顏仟汶39歲黃劍文報名參賽【內附周吉佩十招教路】【下一頁】

顏仟汶在社交平台講述經過：「經歷8小時抓爛身的一個晚上，回想番都幾恐怖！昨晚02︰30左右，手腕，眼睛，小腿全部一粒粒，以為畀嘢咬，去沖涼，塗藥膏，再瞓！8點多痕醒，發覺耳背，頭頂都開始痕！全身都好多，覺得不妙！9︰00終要入急症（虎門濱海灣中心醫院），醫生一睇，都冇問食過乜，就話『藥物敏感』（因為我出的疹是一粒粒圓圓的，好似蚊咬，全部關節先出，跟住再散全身）佢話：你咁都忍到？跟住即刻隊都唔洗排，吊針+打patpat針+食藥，吊完都冇好轉，再去問醫生，佢話一般的敏感半小時就見效，但藥物敏感有些人3-5-7天都唔散，叫我明天可能仲要去多次！OMG！」

一舞傾城︳52歲顏仟汶做落魄媽媽生入型入格 陳法蓉演霸氣江湖大嫂震攝李嘉【下一頁】

幸好最終平安冇事，她寫上：「12︰30回到家，狂飲水，冰敷，跟住見到慢慢散緊，現在已經無事了！大家放心，出post是因為，今早突然覺得生命真係好脆弱！有一刻心內出現，我會唔會『死』?？所以我真心希望我所有所有的朋友們都要身體健康！身體健康！身體健康！愛你們！解說食咗乜嘢藥：家庭醫生傷風感冒咳/情緒科的安眠藥，兩個醫生都睇咗好多年，亦從來未試過對藥敏感的，昨晚想早點睡，見感冒又翻起，有咳，就兩份一齊食，跟住就出事喇！我仲未想死住，所以我應承自己同大家，以後我會小心的。」

（↓點擊圖片放大↓）

網友們隔空送上慰問及祝福：「明顯係敏感要搵出致敏原」、「保重呀」、「你仲要參加《中年好聲音》㗎，祝早日康復，希望100強見到你，再入50，直到5強爭冠」、「還想聽你唱歌和演戲」、「放鬆心情！不要畀自己太多壓力！祝早早康復」、「真係要好小心，藥敏可大可小，身心健康，恢復就好」及「我都試過，之後停晒所有藥，飲多啲水，瞓多啲，重點要排毒」等。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】