黃翠如出旅遊日記功德圓滿 老公蕭正楠現身助推銷

黃翠如今日到書展宣傳其新旅遊書《在地上遇見天使》，她透露對上一次出書已是十年前，而這本書本來幾年前推出，但撞正疫情才延至今年面世，翠如表示：「以前出書好大膽，去完旅遊就可以寫，但人大咗唔知自己有無信心，要篩選邊啲適合，又要睇吓有無人有得著，有好多諗法。」

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

{{hket:inline-image name="DSC_2682.JPG"}}{{/hket:inline-image}}

{{hket:inline-image name="DSC_2662.JPG"}}{{/hket:inline-image}}

翠如又指父母讀書不多，所以很希望家中五名女兒都讀多點書，她稱：「對我爸爸嚟講，有自己一本書，仲開心過我做幕前其他工作。」她又透露爸爸早前不適住院，自己拿了過往的書給他解悶，看到父親看她的書感到十分開心，翠如又笑指：「我知道佢買咗好多本我嘅新書，會四周圍派。（出其他題材嘅書？）我唔覺得自己有咩資格出書，好多人文筆都好過我，我好鍾意嘅作家係三毛，自細就畀三毛影響好深，所以我好鍾意旅遊同文字，遊記係自己好恨做嘅嘢，所以好功德圓滿。」

{{hket:inline-image name="DSC_2697.JPG"}}{{/hket:inline-image}}

翠如老公蕭正楠今日專程到書展為太太推銷新書，翠如更大讚老公稱職：「佢都幫我賣咗好多本，見啲人搵佢簽名。（老公對你本書有咩評價？）佢一路都有睇，我喺屋企整理嘅書時，佢喺到朗讀，有好多相係未識佢嘅時候，佢話『你以前真係好後生』，因為我以前拍旅遊節目係完全唔化粧；同埋佢話我真係幾大膽，呢樣係我人生比較自豪，夠膽去好多大家未必夠膽去嘅地方，而我中間有好多得著。（老公買咗好多本書？）我深信係，佢一路睇話好想去非洲，而我最鍾意非洲，佢好想睇動物大遷徙，好期望可以同佢一齊去。」

{{hket:inline-image name="360100374_18374752021018537_141283885226464742_n.jpg"}}{{/hket:inline-image}}

採訪：黃寶蓮

攝影：林良明

撰文：娛樂組