人氣組合MIRROR一向愛錫鏡粉，他們特別為官方歌迷「MIRO」舉行的「Hi MIRO! SEE U ZOOM網上見面會」昨晚舉行第二場，今次輪到呂爵安（Edan）、柳應廷（Jer）、李駿傑（Jeremy）和邱士縉（Stanley）四位成員露面，不過整晚都是Edan同Jer互相攻擊對方，大放笑彈，令MIRO捧腹大笑。
同場加映：譚偉權拍劇角色被定型決意離巢 中年無阻續夢感激太太無限支持
MIRO網上見面會丨Lokman Alton Tiger打頭陣放笑彈 AK談新歌MV：終於知超級英雄最驚乜【下一頁】
MIRO吉祥物在第二場正式登場，不過由於目前未有正式的名字，四子搞笑呼籲大家「題名」，Edan索性稱呼為「是但」和「求其」，果然夠晒創意。「大表哥」Stanley透露稍後將飛到台灣拍劇，在劇中將會飾演移居台灣展開新生活的男仔，為了這個角色將會剪短頭髮，他笑言：「導演覺得我而家太有型，所以剪頭髮減少少有型囉。」至於剛開完首個個人演唱會的Jer則坦言心理狀態絕對可以唱多5場，因為很不捨得。
節目安排四子跟MIRO隔空網上玩遊戲，Edan問MIRO鍾意Jer甚麼? MIRO讚Jer似卡通人物「水怪」，Jer笑謂：「之前唔覺得似，望吓望吓又覺得幾似喎！（唔係似水島太太咩?）out咗啦！」
另外，有MIRO問Edan會否贊成妹妹呂蕙如（小如）如入行？「好哥哥」Edan大讚小如：「唱歌好聽，跳舞又好，識彈琴，又靚，阿妹叻過我，我都想同佢cover歌，但佢唔肯。（MIRROR成員邊個最可以做你妹夫？）阿妹，Jeremy我OK，但Jer我唔得！」因為Edan被問及最想取隊友身上哪個優點，他竟然望實Jer笑言：「Jer啲皮膚我唔想攞，佢額頭啲紋我唔想攞，咁我攞佢條聲帶側邊啲肌肉，同埋佢嘅背肌，因為佢做引體上升好勁！同埋我想要Jeremy嘅高度，Stanley就要佢『巨龍』嘅稱號。」Jeremy被問到若果11位隊友變成女人，他會選誰做終身伴侶？一向愛乾淨的他即望住Edan說：「佢個人好污糟，揀唔落手！」Edan立刻為自己平反：「我唔係污糟，只係亂，亂中有序。」
《E先生愛人執照》MV︳Edan呂爵安直播被笑睡房勁亂曬孖煙囪 為爵屎們糾紛做和事佬【下一頁】
Jer曾在演唱會上稱希望到80歲仍可以唱《狂人日記》，至於他最想跟邊位隊友一齊唱？他們即時互爆年齡，指現場Stanley年紀最大，所以Jer最終揀選全隊年紀最細的邱傲然（Tiger），Edan笑言到時大家撐着拐仗唱《老人日記》。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：黃寶蓮