7‧23亞博開騷︳Anson Lo盧瀚霆回應網上平放個唱門票 呼籲罷買黃牛：拼盡報答神徒

Anson Lo盧瀚霆將於明晚（23日）一連三晚，在亞博舉行首個個人演唱會，門票早前開賣成為神徒（其粉絲暱稱）的搶購目標，可謂一票難求。不過臨近開騷前夕，網上竟然湧現「平飛」，驚見有人在賣買平台特價放售，1080元兩張連位只需1500元（約七折），880元更以買一送一招徠，即是「半價」來急讓門票，引來坊間不少揣測。

同場加映：全民造星V丨Lyman大熱奪冠KC同分屈居亞軍 花姐對Nathan退賽大感可惜

{{hket:ul-video id="8710"}}{{/hket:ul-video}}

{{hket:inline-image name="IMG_4518.JPG"}}{{/hket:inline-image}}

{{hket:inline-image name="IMG_4517.JPG"}}{{/hket:inline-image}}

Anson Lo昨晚（21日）趁個唱舉行之前，趁勢推出新歌《浪漫殺死巨蟹座》，給神徒送上驚喜之餘，並為門票問題親自作出回應。他向神徒大派定心丸說：「演唱會一開賣兩場反應好好，公司至會決定加開一場畀買唔到飛嘅神徒。至於有傳言呢兩日黃牛陸續放飛，自己就再次呼籲神徒唔好去買，而到時係咪會有吉位？自己就唔會多諗，只會專注喺演唱會，以用最好狀態、最佳嘅演出，拼盡全力報答入場嘅每一位，演唱會見。」

互動Q & A丨Anson Lo哮喘藥隨身神徒擔心 自信做爸爸有耐性：身教好重要【下一頁】

{{hket:inline-image name="AL1.jpg"}}{{/hket:inline-image}}

{{hket:inline-image name="AL2.jpg"}}{{/hket:inline-image}}

相信神徒們聽到教主說話，對心中疑慮一掃而空，不用擔心教主首次個唱門票炒唔起，黃牛黨於是急急蝕讓離場，相反要好好聽從教主所言，不要幫襯黃牛黨買飛，繼續用心去支持他。而Anson Lo連日來都積極綵排，見他拎埋十幾萬的HERMÈS Birkin出發綵排，都不忘「劇透」他行台的片段，認真錫Fans！

Anson Lo 28歲曬欷歔鬚根好sexy 生日全家福「教父母」後生似兄姊【下一頁】

至於今次新歌《浪漫殺死巨蟹座》請來徐浩作曲，黃偉文填詞，Anson Lo表示：「歌詞完全描述緊自己巨蟹座嘅性格。巨蟹座嘅愛情觀係浪漫又固執，呢個同樣係我自己嘅愛情觀，我係一個浪漫主意者，如果鍾意咗一個人，會花好多心思製造浪漫，好想take care、關愛對方，甚至去到有啲固執嘅地步，會令對方覺得會唔會too much，變成迫得太緊。歌詞太中自己，講緊嘅唔只係我嘅愛情觀，亦係講緊我待人接物，同埋對待事業嘅態度。」

（↓點擊圖片放大↓）

他指歌詞「而巨蟹座只是忘了怎樣停下」，正正就是自己的寫照，「我有時都會忘記停落嚟關心人，了解人哋點樣諗點樣感受，即使喺事業上，我都會唔記得點樣停低落嚟，迫得自己好緊好大壓力，所以喺錄音過程都諗起自己，關於自己嘅人生，做人做事嘅模式。呢份咁personal嘅歌詞，令我喺錄音時要忍住喊去錄，以前從未試過錄錄吓音想喊，係一次好特別嘅經歷。」今次MV內容近似電影《人鬼情未了》，Anson Lo死後仍好固執，依然在女主角身邊守護住唔走。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】