53歲唐文龍貼地搭東鐵被捕獲 爆肌似消防員如23年前「金勝」

現年53歲嘅唐文龍近年再次活躍喺香港幕前，佢一向對身材管理非常嚴格，弗嘅程度同後生時有過之而無不及，仲勁過好多年輕男明星。近日，有網民就喺東鐵車廂裡偶遇佢，大讚佢真人睇落都非常sharp醒，唔少人都話佢頂多似30幾歲，仲似當打嘅消防員，盡顯「運動的重要性」。

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

唐文龍身穿緊身便服現身地鐵車廂，肉眼可見二頭肌逼爆衫袖，胸肌飽滿，仲有一條腰間冇半點贅肉，倒三角身形比例完美。唐文龍本身戴住口罩，完全唔似53歲中佬。

{{hket:inline-image name="VCG11426447860.jpg"}}{{/hket:inline-image}}

而另一張相佢就拉低咗口罩，完全冇中年人皮膚鬆弛、jawline模糊嘅煩惱，皮膚黑黑實實嘅佢比鏡頭前更加有型，唔知仲以為係舊相，同23年前《十月初五的月光》嘅「金勝」分別不大。網民都有讚無彈，留言：「感覺才三十多歲」、「運動很重要……」、「跟他同期的男星都認不出來了。」、「可以開套烈火雄心畀佢做。」等等。

其實之前唐文龍曾經被指走樣，有內地男網紅po出唐文龍抖音片段，片中面色泛白，一臉倦容，加上運動過後頭髮變得凌亂，有人更以為佢係羅莽師父，不過當時都有網民力撐佢只係正常標準，已經算保養得好好，留言話：「只是正常的衰老，光看身形就夠了。」