愛回家丨單立文中指傷患引起網友熱議關心 昔日造型連環翻煲：早就紅咗啦

《愛回家之開心速遞》中飾演熊樹仁的單立文（豹哥），近排的劇情入面雖然已經刻意避開鏡頭，不過仍然有不少眼利的網友睇到他的右手手指一直包紮住，而且維持一段頗長的時間，情況令人憂心。單立文早前向本報透露是拍劇時被道具凳整傷，而日前出席《愛回家》的宣傳活動，手指包紮的繃帶已經解開，不過中指指骨仍然歪，而且非常紅腫，他直言事隔三個月仍然未康復，難免影響心情。

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

愛回家│熊樹仁重現花美男造型成熱門搜尋 千禧BB發現新大陸：單立文後生咁型？【下一頁】

{{hket:inline-image name="pal1.jpg"}}{{/hket:inline-image}}

{{hket:inline-image name="pal2.jpg"}}{{/hket:inline-image}}

{{hket:inline-image name="pal3.jpg"}}{{/hket:inline-image}}

{{hket:inline-image name="29C47D54-4349-40F9-A5D2-2D6DFDA39CFD.jpeg"}}{{/hket:inline-image}}

{{hket:inline-image name="0742ACC9-5F05-48DE-B425-DF08A8CB5BE9.jpeg"}}{{/hket:inline-image}}

單立文接受《晴報》訪問，向小編展示他的傷勢，他表示：「西醫叫我兩個手指包住，兩隻手指齊上齊落，咁樣係一種治療方法，去到第三個月頂唔順，好似冇乜進展咁，於是上廣州搵一位中醫，佢話西醫理論全部錯，叫我唔好再包住，改為敷藥，不過我敷藥又敷到皮膚敏感，而家手指都紅晒！」他表示暫時未知幾時可以康復，已購入紅外線燈，希望敷藥加照燈雙管齊下，令手指可以盡快康復。「咁耐都醫唔好，未至於絕望，但都好唔開心，而家手指彎曲都係痛。（最大影響？）除咗彈唔到低音電結他，我都係傷咗先發現原來中指喺生活上好重要嘅協助，刷手、洗頭、揸車、揸筷子、拎起杯碟等等，原來都有影響，所以呢幾個月打爛好多杯碟。」

愛回家丨單立文拍劇道具凳不穩手指骨受傷 64歲生日願重振樂壇：而家一盤散沙【下一頁】

單立文早前在《愛回家》的其中一集被出賣他年輕時的照片，一把長髮的「Pierre Hung」出街後，網友們都不斷大讚單立文有型有款，但單立文笑言往事只能回味，「多謝大家咁鍾意敬老同懷緬過去，30年前喇，你叫我點Keep番呀？編劇寫出嚟玩吓我之嘛，搵我自嘲自己之嘛，估唔到網友真係翻舊帳，搵番晒我啲舊相出嚟，我真係躺著也中槍。」

{{hket:inline-image name="11_600.png"}}{{/hket:inline-image}}

單立文笑言回看當年的型仔相都大讚英俊靚仔，不過自己已經年屆64歲，努力保養都有一定困難。他表示《愛回家》先後玩過他的「西門慶」、「侯賽因」和今次《千歲情人》的「盛世秦」角色，他表示過去還有Blue Jeans形象和《大鬧廣昌隆》的「天靈大師」都相當經典，不知道編劇們會否「玩上癮」再寫，他笑言：「經歷咁多角色，拍嗰陣唔知有迴響，但直至30年後先有迴響先得人驚，當年如果有迴響，我早就紅鬼咗啦！早30年睇戲啦你哋！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組