靈戲逼人︳李漫芬暫別八婆角色演苦命人妻 含淚打「衰老公」蔡國威感動觀眾

張振朗、龔嘉欣擔正主演的劇集《靈戲逼人》，昨晚的劇情講到本山（蔡國威 飾）小時候已經認識女鬼柳芳（龔嘉欣 飾），長大後，本山頭頭碰著黑，生活不如意，爭落周身債務要離家出走，同女兒阿麗（劉芷玲 飾）分別多時，丟低老婆麗媽（李漫芬 飾）應付全家大大小小的開支。一日，本山一家三口在街頭遇上，麗媽激動上前爆喊，指責老公，又打又鬧，最後兩公婆抱頭痛哭大團圓，場面感人。

同場加映：

靈戲逼人｜65歲魯振順曾與父親脫離關係 反對入大染缸娛圈 一包煙引爆矛盾

{{hket:ul-video id="8697"}}{{/hket:ul-video}}

{{hket:inline-image name="43.jpg"}}{{/hket:inline-image}}

{{hket:inline-image name="T183.jpg"}}{{/hket:inline-image}}

李漫芬上次憑《新四十二章》的黑社會大家姐角色，成功吸引觀眾注意，今次飾演苦命又盡責的師奶仔，同樣獲得不少讚賞聲音，有網友在TVB官網留言，稱一家三口重遇這場戲令人感動到喊。李漫芬受訪時透露，與蔡國威相識超過廿載，拍攝前有充足溝通，「怒打」對方時亦份外放心，她說：「場戲喺西貢拍，當時好多人圍觀，有啲人仲喺二樓望落嚟。記得綵排時，我情緒已經嚟到，到真正拍攝時係一shot落，拍完導演都讚感動，我好開心。」

靈戲逼人︳阮嘉敏演出參考《大時代》周慧敏 童星楊凱博耍纓槍顯真功夫【下一頁】

李漫芬感謝監製王偉仁給予她這一個有發揮的角色，最大突破是可以暫別「八婆」生涯，「我記得拍完《致命復活》，郭晉安話我係新一代八婆人選，家豪哥、小青姐再將我昇華咗做貴婦八婆。之後呢，多謝陳維冠監製搵我做黑社會大家姐，嗰次又學開槍又學習展現霸氣，令我有新嘅技能解鎖。呢次再轉演賢良淑德同受盡委屈嘅人物，我花心思喺對白、語氣上，希望能夠令觀眾感受到角色嘅委屈，好多謝監製信任我，亦多謝編劇寫得咁好，令到我完全投入，幻想自己有個衰老公！過程係好玩嘅。」

靈戲逼人｜吳子冲入行5年首次拍爆喊戲 喊到鼻水連連：橫隔膜又抽筋【下一頁】

「衰老公」蔡國威笑指其角色最特別是「有咁大個女」，拍攝時刻意讓自己披頭散髮去配合，他表示：「其實呢位咁不負責任爸爸...係好人，係為咗某啲原因要走佬。造型方面一定唔會四正，應該要落魄啲、頹啲同埋不修邊幅一啲。咁啱嗰日西貢好大風，我就由自己頭髮有咁亂得咁亂。」

（↓點擊圖片放大↓）

蔡國威又爆李漫芬打他，內心好掙扎，他說︰「我叫佢放膽打我，叫佢將手上任何嘢掉過嚟！尤其佢手上面嗰十卷廁紙，總之就唔使留力同驚整親我。佢都仲係錫住我，最初試戲時有啲留手，好彩後尾大家情感到嘞，表現出我內疚，佢又有原諒之心。雖然短短兩場戲，真係過足戲癮，我少拍呢類戲，好多謝監製畀機會。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】