第二位港產AV女優丨Alice產後前夫嫌走樣 拍AV「反擊」 對戰加藤鷹代澄清金手指病變傳聞

由ERROR成員193（郭嘉駿）、譚凱倫、鄭伊琪和郭奕芯主持嘅ViuTV節目《晚吹—戀講嘢》，噚晚（27日）請嚟港產AV女優第二人Alice Wong分享佢被渣男前夫嫌棄嘅故事以及入行經過。

Alice講述佢同前夫嘅相識經過，當時只有17歲嘅佢同年約30歲嘅前夫喺酒吧邂逅，而佢自細仰慕年紀比佢大嘅男人，初時男方知道佢屋企出現問題，又唔想Alice半工讀咁辛苦，所以願意每月畀4千至5千蚊生活費佢。Alice自細遭家暴，爸爸會因為其成績、衣著、夫妻拗撬及情緒激動時打佢，甚至試過叉頸及拎菜刀，前夫當時亦有承諾Alice，話將來會帶佢離開呢個家。不過佢哋拍拖一至兩個月後，Alice就意外懷孕，婚後男方露出真本性，男方更搬入Alice屋企，仲喺佢懷孕期間召妓，前夫當時自爆：「你大肚，X唔到嘢，我都係一個月或者一個禮拜六去叫下X，解決下自己需要啫。」

{{hket:inline-image name="4.jpeg"}}{{/hket:inline-image}}

除此之外，前夫亦嫌棄Alice生完BB後樣貌、身材走樣，餵人奶餵到胸部變形，肚皮鬆弛。Alice亦透露自己生BB時曾昏迷數天，要臥床無法清潔身體，屁股生瘡有黑印，前夫狠狠地說：「Pat Pat搞成咁，都冇心機同你X嘢啦！」而Alice亦出於好勝心，為男方努力減肥，務求變回生仔前嘅身形，之後前夫對性嘅態度變得敷衍，而即使Alice如何努力瘦身，肚皮都係好鬆，令Alice十分沮喪。

Alice指有一日前夫公司開始減人工，男方就叫Alice出去打工，Alice之後被男方誤會同老闆有路，結果二人發生爭執，男方一走了之。雖然男方有提出離婚，但又唔想畀贍養費而拖拉多時。成為單親媽媽後，Alice試過銀行戶口係零，之後為咗養活小朋友，更試過做足20小時。193問起「下海」因由時，Alice就解釋：「第一我想做呢件事，第二因為賺錢，第三係因為我前夫，佢成日話我身材差、樣唔靚，做X都做唔到，令我好自卑。我為咗你所有嘢差晒，生完仲要畀你批評、有產後抑鬱，跟住走去大廈平台諗住跳樓，街上有人見到，通知保安，叫我唔好跳落去。」可惜前夫只覺得Alice「影衰」自己，被問到會唔會驚好難搵男友，Alice就表示：「你鍾意我，自然就鍾意我全部，三上悠亞都可以有真愛！」

另一邊，Alice近日夥拍日本AV傳奇男優加藤鷹先生拍攝新作，係佢神隱十年之後出山，出演台灣產成人片。Alice被加藤鷹大讚，話Alice係佢鍾意嘅類型。Alice現正尋找日本片商同佢合作，雖然佢有直播，加上不定期的影片拍攝同每個月4日於餐廳工作，每個月平均收入亦只有約$15,000，所以搬出家暴家庭對佢嚟講仍有距離。

另外，加藤鷹之前曾post出圖片，見到佢嘅金手指食指、中指出現潰爛，指甲甚至還呈灰色，手指疑似病變，當時加藤鷹表示係「經過洗滌、金手指、破爛不堪」，令唔少fans感到婉惜。不過加藤鷹出山，都有人留言問到：「請問加藤鷹老師啲手指係正常人手定係好似傳聞中手指係爛晒？」Alice就回覆：「已經康復了，謝謝關心。」