蔡嘉欣嫁人專注做生意離開無綫？ KOL港姐被指拜金實質係「豪門」

蔡嘉欣2019年透過參選香港小姐進入演藝圈，入行前佢已係一位知名的KOL，常在影片網站YouTube分享美妝心得及旅遊影片，坐擁15.1萬粉絲。不過今日蔡嘉欣就喺IG同粉絲玩「你問我答」時，透露自己唔會要喺電視出現，因為要專注番佢嘅「本業」。

同場加映：全民造星V丨Lyman大熱奪冠KC同分屈居亞軍-花姐對Nathan退賽大感可惜

{{hket:ul-video id="8710"}}{{/hket:ul-video}}

蔡嘉欣不時都會同佢嘅粉絲喺社交平台互動，今日有人問到佢：「少咗幕前，係咪唔做幕前喇？」蔡嘉欣坦承回答：「以後電視真係未必會見到我了，呢一年忙自己事業多，YouTube/IG見大家,你哋記住收睇我嚟緊嘅清邁YouTube片，笑到癲咗。」

{{hket:inline-image name="359733575_18374467840040922_8149565704210036066_n.jpg"}}{{/hket:inline-image}}

事實無綫J2長壽節目《姊妹淘》2021年停播後，蔡嘉欣已經甚少出現喺無綫，只係間唔中客串一啲小角色，蔡嘉欣當時表示遲啲會有其他節目可以參與，或者有劇拍，但睇嚟而家已經唔係咁諗。不過節目就令佢認識好姊妹吳若希同陳詩欣，全部都係長腿美人，然而三人嘅共通點就係都係曾經畀人話拜金，不過蔡嘉欣都一於少理，仲自嘲同陳詩欣係拜金經合，相當樂天！

蔡嘉欣除咗經常畀人話拜金，仲曾經畀人話佢靠即將結婚嘅有米男友，不過事實上，蔡嘉欣自己就係「豪門」。蔡嘉欣18歲時就創立服裝生意，將自己的喜好化為事業，即使做咗藝人身分，仍然冇放棄呢門生意，至今已營運11年。年紀輕輕開始做兼職模特兒，儲到些少創業本錢加上喜歡扮靚，因此趁讀大學的空閒時間，嘗試將自己喜歡的東西放到網上平台銷售：「想創業時不能只去衡量賺蝕，如果真的想將感興趣的事情化為事業，更應該勇敢地邁出一步。」

在營運生意的過程中，都有過想放棄念頭，尤其是大學畢業時，見到身邊同學都搵工，令佢質疑自己係咪要搵一份穩定工作。除咗時裝生意佢都有涉獵其他範疇，代理至少兩個美容品牌。營商過程中令佢深明冇一個行業係永恆，不同行業都有周期及興衰，所以日後都會想再涉獵更多行業。