古明華活化江門舊單車廠多人撐 網友搞笑提議搵劉德華投資

現年59歲的前無綫藝人古明華（古佬），曾於2012年憑《巴不得媽媽》蘇基一角獲得TVB最佳男配角，近年北上發展玩直播及開港式茶餐廳。古佬近日有新搞作，聯同好友湯俊明以短劇形式，介紹位於江門的凱旋牌單車舊廠房，其昔日曾是當地家喻戶曉的品牌，不過今時今日已人去樓空。他計劃將這個園區重新發展，所以在網上詢問各方意見。

同場加映：全民造星V丨Lyman大熱奪冠KC同分屈居亞軍 花姐對Nathan退賽大感可惜

{{hket:ul-video id="8710"}}{{/hket:ul-video}}

{{hket:inline-image name="07183003.jpg"}}{{/hket:inline-image}}

{{hket:inline-image name="07183004.jpg"}}{{/hket:inline-image}}

古佬在第二條片介紹單車廠房，「喺80年代、90年代，甚至00年代時候，有好多後生仔喺度創業，經過時間洗禮，呢個舊自行車廠慢慢因為發展步伐關係，畀城市遺忘咗。其實呢個位置距離『狂飊』呢個咁出名嘅地方，只係8分鐘路程。」他又指單車廠對面的舊船廠，兩者皆是當年江門四大工業之一，周邊亦有個公園。

3年前離開TVB｜古明華轉戰內地開港式茶餐廳 親自沖奶茶仲做埋「生招牌」吸客【下一頁】

古佬透露今次計劃的想法，「只不過我哋嘅團隊能力有限，好多方面都係我哋嘅知識盲區，譬如在規劃上、設計上甚至到工程，都係我哋嘅盲點。但係放心，我一定會努力解決晒呢啲問題，我哋希望可以將江門嘅歷史，一啲文創產業，擺落喺呢個被遺忘嘅工廠大廈，希望有更加多後生仔、佢哋嘅團隊，可以有一個窗口，有一個空間畀佢哋發揮，可以將呢度變成佢哋空間嘅窗口。」

《克服他她它》最怕冇錢︳古明華尊嚴事小只怕家人被睇低「生活幾苦都唔好欠人錢！」【下一頁】

在最新一條影片，古佬已進駐入單車廠房，並揀了其中一間房作為暫時辦公室，跟他的團隊落手落腳去裝修。他對鏡頭感性表示：「嚟咗內地幾年，喺江門都成年，當然啦…期間遇到好多人同埋事。喺江門時候玩吓抖音、做吓直播、拍吓劇，直到而家我有自己嘅茶餐廳，跟住落嚟會搞一個好有意義嘅事…眨吓眼50幾歲，我相信一樣嘢，就係，夢想可能會遲到，但係一定唔會缺席。大家一齊期待！」

（↓點擊圖片放大↓）

對於古佬這個有意義的計畫，不少網友留言讚好以示支持，有些人主動提議幫手裝修，有人更隔空報名租用房間，他們表示：「古哥為江門發展作努力，支持」、「改造成不成功是後面的事，但有計劃去進行改造這件事，本身已經非常有意義」、「我也想過來創業，租個地方」、「裝修搵我，免費」及「改造工程給我幫你做吧」。當中最搞笑是有人叫古佬去搵劉德華投資，「讓劉德華投資呀，劉德華是江門人」，而古佬亦有回應對方：「等緊張華哥」，開心到多打了一個張字。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】