全民造星V丨Nathan稱太驚唔敢面對女友家人 澄清已還清欠款 網友照鬧：根本冇認錯

《全民造星V》參賽者魏念恩（Nathan）因私人理由，在昨晚（16日）總決賽臨開騷前半小時宣布退賽。Nathan在比賽過程中一向表現平穩，不過負面新聞多多，除了本報收到其前女友友人報料，指有人得悉自己入十強決賽後有感爆紅，向前女友提出分手，前女友疑不堪分手的打擊而輕生墮樓離世。事後Nathan都有在IG悼念前女友，但他接受訪問時都拒絕回應相關事件。日前家屬又爆料指他一直向前女友借錢，節目出街兩日後就決定跟女友分手，但分手後仍然問她借錢。可惜的是女友不堪分手的事實，最終選擇輕生。家屬接受傳媒訪問，認為Nathan欠家人一句道歉。直至今日（17日），Nathan打破沉默撰長文回應事件。

同場加映：全民造星V丨Lyman大熱奪冠KC同分屈居亞軍 花姐對Nathan退賽大感可惜

{{hket:ul-video id="8710"}}{{/hket:ul-video}}

{{hket:inline-image name="6a37c608-8a14-42e8-8176-fd2a0b228941.jpg"}}{{/hket:inline-image}}

{{hket:inline-image name="e9dc4163-f481-4a78-8959-c9421c93c732.jpg"}}{{/hket:inline-image}}

{{hket:inline-image name="361079880_237448702489536_6577040377608759351_n.jpg"}}{{/hket:inline-image}}

Nathan於IG撰文原文如下：

事情發生到而家，都無同大家交代過。因為事發後透過共同朋友得知對方家屬唔想事情再被發大，更加唔想對方被起底，而我都同意（所以接下落嚟我將會用「對方」去稱呼佢）。我認為感情問題係屬於我哋嘅私隱，所以一直未有向外界交代，選擇沉默去面對新聞或外界嘅評論。

5月17號凌晨，係我人生經歷過最黑暗嘅日子。
當時我好自責，腦海裡面不停出現無數個「如果……可能就唔會……」。期間一直好想同對方屋企人聯繫，好想親口向佢地道歉，解釋一切來龍去脈。但係我真係好驚，未試過咁驚，畢竟事發之前同對方嘅屋企人並無太多聯誼，亦未試過面對咁重大嘅事情，完全唔知道應該點樣處理。

喺呢段時間我覺得恐懼、內疚、自責、傷心、甚至失眠，心情好複雜、好混亂。同時，節目就開始播出。從來都唔想身邊嘅人擔心我，想儘快話俾身邊嘅人知「我無事，請放心」。結果我由一個極端跳咗去另一個極端，我以為保持輕鬆玩樂Chill嘅態度去面對大家，就可以令大家放心。

直到有朋友睇咗我十強之後所做過嘅訪問，佢同我講覺得我好反常，從來未見過咁樣嘅我。然後我自己睇返，我自己都覺得好嘔心，行為十分輕浮。我喺嗰一刻先發現，原來我一直都未搵到一個啱嘅方法去面對呢一件事。

我覺得自己有好多做得唔好嘅地方，包括事情發生後冇立即同對方嘅家屬溝通，以及喺喪禮上錯過咗同對方家屬面對面溝通嘅機會。一直未能捉緊機會向對方家屬致歉，成為咗我現時最大嘅遺憾。令到事情發酵至今，好想喺度鄭重向對方家屬致歉，好對唔住。

而我私底下亦開始嘗試同對方家屬聯絡，希望未來可以有機會同你哋好好溝通。

當時決定繼續參加總決賽，係希望對作為參賽者呢個身份負上責任，做到有始有終。
但最終決定退出比賽，係因為7月15號嘅報導，令我發現關於呢件重大事情上，仍然仲有好多事情未好好處理。好想向所有受到影響嘅人，包括所有參賽者、導師、節目製作組，以及原定受安排同我一齊合作嘅表演嘉賓、音樂人、造型團隊等，喺度鄭重向你哋致歉，好對唔住。

而有關7月15號嘅報導，我亦都好想喺度對家屬澄清關於「借錢」一事。當時我同佢拍拖期間，我哋雙方都有穩定嘅工作，但係出糧嘅時間好唔一樣，第三者睇到WhatsApp對話可能會對「借錢」一事感到難以接受，但事實呢個就係我哋當時資金周轉嘅生活模式，甚至持續到去分手之後。但當我發現分手後繼續與對方有金錢瓜葛會令關係都完結得唔夠乾脆，所以喺事發前我已經約對方當面見面並以現金還清。

假若家屬再有關於我哋感情問題或者對喺電話上所睇到嘅一切仍然有唔理解嘅地方，我好樂意向你哋逐一交代。

最後，感恩一直支持我嘅人，
令到你哋擔心對唔住。

{{hket:inline-image name="eb723716-4e41-4a46-8baf-2904bb9505eb.jpg"}}{{/hket:inline-image}}

{{hket:inline-image name="9f136f31-12ad-4d9d-903f-bdfa2fbb527b.jpg"}}{{/hket:inline-image}}

全民造星V丨Lyman大熱奪冠KC同分屈居亞軍 Tsoul評判最高分不敵亨仔三甲不入【下一頁】

不過，對於Nathan的公開交代一文，有支持者接受並表達支持，但亦有部分網民氣難平，紛紛留言對他表達不滿，「事發前一刻你連門都唔開，你叫邊個信你會約人出嚟現金還錢呀？」、「『資金周轉嘅生活模式』成件事即刻聽落好高級咁，真係好啱做偽人（oh… 本身都姓魏～）viu見字快幫佢接『資金周轉』廣告，班奶樽定奶嘴會支持你」、「在感情上的處理方式，真心有點差勁，旁人看來，有點賤，分手還問要錢，但我相信，無論如何，讓她踏入死亡之路，一定不是你的原意」、「請你好好保重自己，這些都是你的私事，沒有人有資格批評」、「人誰無過，我仍然支持你Nathan」、「條友真係覺得自己冇問題㗎喎」等等。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】