許芷熒半夜作動再誕子湊成好字 從容化妝set頭：出生合照太重要

2011年香港小姐季軍許芷熒（Whitney，原名：許亦妮），2019年9月與拍拖兩年的圈外男友Alexander Fung結婚，翌年2月即誕下女兒「馮寶寶」。轉眼間囡囡已經3歲，Whitney今年前再宣布有喜，話咁快，5日前第二胎已經出咗世喇！

同場加映：

全民造星V丨Lyman大熱奪冠KC同分屈居亞軍 花姐對Nathan退賽大感可惜

{{hket:ul-video id="8710"}}{{/hket:ul-video}}

Whitney第二胎係囝囝，改名為「Alester Samson Fung」，少有地見到華人有middle name，Whitney話好開心為老公生咗個仔，屋企有啲陽氣，之前家中只有老公一個男人咁話。Whitney話今次臨生前好辛苦，「其實在生產前一兩個月肚已經經常會有假宮縮痛，心裏經常想：『真係好辛苦, BB快啲出世就好啦』，基本上每天都有很多次似是作動的感覺，所以在預產期兩周前已經執好了走佬行李。」

呢個貪靚嘅媽媽為咗影到一張靚靚嘅初生合照，起身就會化好妝，「化妝品長期放在餐枱上，準備要突然半夜要趕去醫院前化妝扮靚！（因為BB剛出生那張合照實在太重要）我這個貪靚媽媽，基本上我每天日間都會set定頭，化定妝，好似等BB作動一樣。」

{{hket:inline-image name="361586885_18371453539019262_3464428354825025920_n.jpg"}}{{/hket:inline-image}}

阿仔選擇半夜出世，而Whitney都堅持執靚個樣先，稱：「直覺告訴我，BB要當天出世了，所以半夜四點幾，我就起身化妝set頭，準備好自己之後，再去洗手間，發現已經見紅了，我立即叫醒老公跟他說：『我諗我要生得啦！』（好似電視情節一樣）老公當時都有點不知所措，因為見到我肚開始痛得好頻密，而且痛得好辛苦，我就叫他快點去沖涼洗頭吹頭，扮靚仔一些，準備BB出生時影那張合照啦！」

Whitney經歷陣痛的感覺，表示好似經期，又好似肚痛要去洗手間嘅感覺，每一下都痛到入心入肺，去到醫院樓下痛到企喺度叫救命，要坐輪椅上產房。她今胎同上胎都冇請陪月，有好多照顧初生嬰兒嘅方法自己都忘記咗，醫院產科部所有姑娘、BB房姑娘都有同佢溫習如何照顧初生BB。

Whitney特別多謝陳創斌醫生，但佢就話唔想再生第三個，寄語囝囝快高長大，身體健康，表示︰「和家姐一樣，爸爸媽媽不需要你成為讀書最叻的人，希望你能成為一個有責任感，有風度，有一顆慈悲心，懂得尊重女性，尊重生命。你來到這個世界要有一顆為這個世界付出的心。要做一個懂得愛惜將來的太太，愛護家庭的男人！」

撰文︰娛樂組

圖片來源：Instagram