張凱娸做老闆開蠟燭香水工作室 一手一腳創業：每月交租有壓力

張凱娸（Kiki）拍過ViuTV劇集《二月廿九》、《太平紋身店》及《940920》，電影《失衡凶間》系列亦有份參與。近日她升呢做老闆，在觀塘開設蠟燭香水工作室，並以嫲嫲生前最愛用客家話稱呼她的「Amoi」，作為這間工作室的名字。

同場加映：

全民造星V丨Lyman大熱奪冠KC同分屈居亞軍 花姐對Nathan退賽大感可惜

{{hket:ul-video id="8710"}}{{/hket:ul-video}}

{{hket:inline-image name="K_CKP9218.jpg"}}{{/hket:inline-image}}

{{hket:inline-image name="KIMG_3006.jpg"}}{{/hket:inline-image}}

張凱娸去年經歷人生低潮期，其情緒一度低落，後來在製作蠟燭香水的過程中，治癒自己的身心靈，於是將個人興趣轉化成專業，投資6位數字於觀塘開工作室，展開人生新一頁。她說：「工作量少咗，我就增值自己，考到3張蠟燭及調香師證書，發覺製作蠟燭嘅me time係自己同自己相處，好寧靜，真係好治癒，好希望將呢種正能量帶畀大眾。我好鍾意有香味嘅嘢，我覺得香味係代表每一個人獨一無二嘅回憶，平時每個月花喺蠟燭、香水度嘅使費好大，朋友鼓勵我不如自己試吓做啦！」

黃又南新戲演壓抑角色過足戲癮 迷暈張凱娸地下拖行扯斷頭髮【下一頁】

提到工作室叫「Amoi」，張凱娸表示：「客家話代表『親愛的』，係我嫲嫲經常叫我嘅稱呼，非常有親切感，藉此紀念我已經過世嘅嫲嫲；而蝴蝶logo係象徵人類靈魂，提醒我哋生命短暫即逝，同時代表着生命周而復始。只要永遠對未來勇於懷抱希望，定有活下去嘅意義。希望借佢送畀每一位顧客和學生嘅一個祝福。」

（↓點擊圖片放大↓）

日前工作室舉行開幕儀式，CY陳宗澤、劉沛蘅、林熙彤、吳肇軒、莊韻澄及柯驛誼（盤菜瑩子）等好友齊來撐場，令張凱娸感動不已，說：「喺呢行識到呢班朋友咁撐我，真係好開心，一切在心中。其實佢哋仲做咗白老鼠，之前我教佢哋整蠟燭，過程係好relax同開心。（首次創業特別緊張？）每個月要交租，我好有壓力，所有嘢由公司名稱、設計、卡片、貼紙、IG宣傳都一手一腳做，希望作品做得好，遲啲開網購平台、開分店，哈哈！開工作室其中最重要嘅係想搵到知音人，一路以嚟都有人想crossover合作，水晶、永生花等等，融入身心靈嘅元素，我好期待可以合作。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】