《全民造星V》昨晚圓滿落幕，三甲人選最終以大熱的香胤宅（Lyman）、黃家灝（KC）及陳鎮亨（亨仔）贏出，完騷後，Lyman的太太Zoe都有現身，在傳媒的起哄之下，兩人錫錫大曬恩愛，非常甜蜜。Zoe特別由美國來港，除了支持Lyman的演出外，更下煮煲雪梨茶慰勞十強的參賽者，相當賢淑。至於楊安妮（Win Win）都有現身恭賀男友KC，不過兩人就尷尬抗拒當眾錫錫。
全民造星V丨Lyman大熱奪冠KC同分屈居亞軍 Tsoul評判最高分不敵亨仔三甲不入【下一頁】
對於今次贏出比賽，Lyman對賽果感驚喜，他表示有意留港發展，「如果我留香港，太太都會留，之前都有商量過，但如果確定喺度發展，我一定要學好啲廣東話，希望睇多啲港產片學。」KC表示未知將來發展如何，提到跟Lyman同分但輸在觀眾投票，他說：「我冇咁諗，比較在乎自己表演係咪表達到自己想表達嘅嘢，名次真係其次，（Win Win請食燒肉慶祝？）去日本食會開心啲！」亨仔雖然贏出最終得季軍，但他謙言認為同分的Tsoul和希晉都有實力，大家都值得得獎。
全民造星V丨Lyman自爆聽力有障礙無阻表演 亨仔拍Winka合唱聽出耳油【下一頁】
至於今次擔任評判的花姐（黃慧君），她受訪時表示：「今屆其實冇參與意見，只係出席咗第一輪綵排同甄選，（外間指剪接不及過去四屆？）咁今屆我唔知，但過去四屆好睇係因為我真係一個好好嘅監製，老闆魯生應該真係要加我人工，自己唔做監製之後感覺似食花生，唔做最主要原因係身分尷尬，唔可以專心喺參賽者度，自己個心喺MIRROR同ERROR度，（下屆再做？）我50幾歲喇，放過我啦！」對於今屆負面新聞多多，連導演都出Po，花姐直言導演發言後有向寶姐反映，做幕後應該要中立，但她明白身在其中難免有好多感受，她承認過去四屆都有偏心，在剪接上「做手腳」，免部分參賽者形象受損。
花姐透露三甲不完全是她的心水，提到大熱的Nathan退賽，她說：「今日我知佢退賽，我心裡面當然覺得可惜，因為過去表現一直好好，加上我外貌協會好鍾意佢，我都理解佢點解退賽，相信近排真係好大壓力，呢個佢選擇，希望佢可以繼續喺呢行發展，因為佢真係好有潛質。」花姐坦言好鍾意亨仔和王鋒，更主動為王鋒和Nathan求情，「佢被好多人話佢，我理解嘅啲人點解鬧佢，但又深表同情，好想畀支持佢，希望觀眾手下留情，可能剪接上大家未必睇得晒成個story，令佢被人鬧，其實好慘，佢都係啱啱入呢行，大家留條路畀佢行下啦。至於Nathan呢件事係佢自己嘅事，件事我哋唔知道全部，希望傳媒、觀眾同網友畀空間佢，相信佢而家壓力好大，呢一行應該要畀支持有潛質嘅人，而唔係加一腳落去，好想打電話支持佢，但唔方便問佢太多私人事，始終真係唔熟，佢要講會講，相信佢而家心情唔係我哋可以想像到。（退賽覺可惜？）可惜嘅，都可能都應該要咁做。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：黃曉妍
攝影：林良明、何家賢
撰文：娛樂組