演唱會狀態大勇丨容祖兒認裙腳女疫情最愁冇得返屋企 歌迷瘋狂求婚不及望實姪女咁冧

容祖兒《ANOTHER SIDE…JOEY•MY SECRET•LIVE》演唱會昨晚舉行第三場，亦是繼歌迷會專場和AIA專場後，公開賣票的首場演出。觀眾們見到舞台設計機關連連，而且充滿美感，要忍手遵守規則不可以拍攝及拍片，實在非常痛苦，沒想到祖兒唱完串燒Medley之後，竟然自爆：「哎呀，我太投入喺我唱歌事業入面，唔記得話畀大家知呢一部分係可以拎手機出嚟！」現場即時怨氣十足，立即拎手機出來狂影補數，祖兒笑言：「做咩啫？而家怪我喇喎！而家咪影囉！哈哈！」

同場加映：靈戲逼人｜65歲魯振順曾與父親脫離關係 反對入大染缸娛圈 一包煙引爆矛盾

{{hket:ul-video id="8697"}}{{/hket:ul-video}}

容祖兒電車路影相勁有香港特色 粉絲又愛又擔心：靚到交通意外【下一頁】

{{hket:inline-image name="SA8_9887a.jpg"}}{{/hket:inline-image}}

{{hket:inline-image name="SA8_2566a.jpg"}}{{/hket:inline-image}}

{{hket:inline-image name="SA8_7342a.jpg"}}{{/hket:inline-image}}

祖兒在「Secret Live」中除了分享自己童年到成長入行的「秘史」外，演唱會上亦有跟觀眾都相當多的互動，當晚祖兒講到求愛男的小故事時，現場就開始充滿求婚聲，「嫁畀我！」、「我娶你！」、「 I MISS YOU BABY」等等，祖兒即時話：「救命！打冷震呀真係！」祖兒見到觀眾氣氛熱烈，更「大贈送」在點歌環節，由一首變三首，「今日見到大家好開心，我覺得今晚每次唱完歌嘅掌聲，係最多、最豐富....我完全感受到大家每首歌都聽到入咗心.....畀到我好多力量，唔單止掌聲，重有瘋癲呼叫聲，同埋有瘋狂求婚.....哈哈哈！」

雖然台下男觀眾瘋狂求婚，祖兒都忍不住反白眼和傻笑，不過最冧莫過於是她看著台下捧場的媽媽、弟弟、弟婦及姪女Sophia，見到Sophia手舞足蹈，祖兒都不禁甜笑，更叫Sophia向全場觀眾揮揮手打招呼，可愛到極。祖兒提到家人時，她坦言過去四年的日子令自己成長了不少，「過去三年我相信每個人都經歷咗好多，係全世界、全宇宙最難捱嘅時間，我呢個典型『裙腳女』，冇得返屋企真係好難捱，平時我喺出面點辛苦、點困難、點樣多挑戰，返到屋企飲碗湯就可以充電。前幾年要一個人喺出面獨立生活，工作家務都要一個人處理，唔洗衫就冇衫著，洗完唔摺張梳化就冇位坐，唔吸塵腳板底就黑晒.....我為咗有家嘅感覺，連屋企用開隻洗衣液都買埋一樣，等我洗完衫覺得似喺屋企咁。」

她表示朋友到訪她的家都不禁問為何要開電視，又要一早起床吸塵，後來才知道是想家的反射，「我唔睇電視但係我媽睇，喺香港我每朝阿媽吸塵機聲都係我鬧鐘...冇得返屋企嘅我，就係靠呢啲味道同聲音支撐住。今日終於可以重新見到大家，做自己最鍾意嘅事，真係好開心，當日我一個人聽住以下呢首歌跑步，打動到自己流咗兩滴眼淚，以往一直未有時間同大家分享呢首歌嘅感受，今日終於都可以，所以請容許我唱今日唯一一首唔係side track嘅冠軍歌《東京人壽》。」

容祖兒巴黎玉腿被摸片段瘋傳 網民鬧爆「鹹豬手」真正身份係……【下一頁】

{{hket:inline-image name="SA9_2208a.jpg"}}{{/hket:inline-image}}

{{hket:inline-image name="SA8_8952a.jpg"}}{{/hket:inline-image}}

{{hket:inline-image name="SA8_8944a.jpg"}}{{/hket:inline-image}}

演唱會上，祖兒不忘念記恩師羅文，音樂總監何秉舜重新編排的羅文的《Just for you》，兼將她的經典歌曲歌詞置入歌曲之中，成為獻給老師的禮物，她說，「音樂對我來說非常重要，陪伴我渡過好多脆弱時間，大家都知我細細個好鐘意王菲同黎明，好多流行歌曲畀咗我養份，多謝喺我人生中出現過嘅所有音樂好夥伴，希望日後我可以繼續為大家提供好多好多好歌，陪伴你哋所有最好時光。 」演唱會後，容祖兒在IG分享花絮照，原來她在演唱會前後都有讓姪女上舞台感受一下，更陪伴Sophia踏上彩色的小山丘布景，這位姑姑認真唔話得！

{{hket:inline-image name="361583519_18375550516017688_4984115835949999355_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組