DSE放榜丨10A麥明詩學業事業力求最Top 「盲追」目標迷失人生：究竟終點係咩

臨近DSE放榜日子，YouTube頻道《試當真》近日拍咗一系列有關升學放榜嘅短片，為緊張嘅考生們加油。最新一集就邀請到10優狀元暨香港小姐冠軍麥明詩做嘉賓，她講到一路以來嘅心路歷程，唔少網民睇完都大讚佢真心，表示睇完真係有得着咁話。

同場加映：

Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

麥明詩當年係香港中學會考10A狀元，接受傳媒訪問時表示目標係做香港特首。時隔多年，佢表示要澄清一下：「當年有一單好不幸嘅新聞，聲稱我好想做特首。09年環境同而家好唔一樣，我就不嬲都比較關注社會民生嘅事情。嗰陣有記者打嚟：『你有冇諗過做特首呀？』我就話︰『真係冇諗過喎，我應該勝任唔到喎。』記者再講︰『如果真係叫你做呢？』咁我就話︰『如果真係叫我做，我都可以做吓嘅。』第二日出嚟嘅報道就非常精彩喇！」

{{hket:inline-image name="4.JPG"}}{{/hket:inline-image}}

短片中，問到麥明詩當年面對升學問題時，有冇感到「迷失」，佢就講出一段更「宏觀」嘅心路歷程，「我迷失嗰刻又未必係公開試嗰刻嘅，反而係唔知咩先叫『夠』。我喺學校攞咗最高嘅成績，咁就覺得，係咪未夠呢？去到放榜之後，我又去到世界一間比較頂尖嘅學校，咁係咪就夠呢？even去到電視界嘅時候，咁選咗港姐（冠軍），咁好夠啦？又會發覺，『唔係喎，人哋嗰個又做女一喎，人哋呢個套劇又好紅喎，35點』，究竟我呢種追逐，一個過程，係for一個乜嘢嘅end point？」

麥明詩鼓勵人們要有個人目標，到底係想要一張大學畢業證書，定係真心想吸收知識？「建議去諗清楚長遠有啲咩目標，而而家又係有咩欠缺嘅能力，然後就去補番嗰啲技能。喺你決定嘅時候，你要有一個中心思想，究竟你要達到啲乜嘢？或者呢樣嘢可以點樣提升你嘅能力，而呢幾樣嘢到最後點樣可以相得益彰。」

唔少網民都大讚聽咗之後獲益良多，留言：「真係講得好好！入大學為咗佢個印定學習過程」、「唔係高分低能，而係有思想，真係有足夠斤兩成為榜樣」、「真女神！美貌與智慧並重！有內涵，有學識，你先係真正嘅香港小姐」。

撰文︰娛樂組