馬明不諳水性放棄水底婚禮 靚湯預計蜜月之旅玩足一個月

湯洛雯（靚湯）今日到馬鞍山出席活動，將於年底與馬國明（馬明）結婚的靚湯，透露已計劃好蜜月之旅會由熱玩到凍，預計花一個月時間玩到盡。

同場加映：李日朗為醫嫲嫲入行迷失自我 「小顏術一代宗師」享受演大奸狗

{{hket:ul-video id="8638"}}{{/hket:ul-video}}

{{hket:inline-image name="VCG111445257244.jpg"}}{{/hket:inline-image}}

靚湯於婚前頻頻出席活動賺外快，她笑言要賺錢養貓。活動上，靚湯表示熱愛潛水，問她會否希望舉辦一個水底婚禮？靚湯表示：「難度有啲高，因為馬明唔識游水，雖然潛水係可以唔識游水都得，但如果怕水都唔好喇，首先佢要先學識游水。」

{{hket:inline-image name="VCG111445257190.jpg"}}{{/hket:inline-image}}

問靚湯是否已落實蜜月地點？她表示：「我計劃由熱帶地方玩到凍嘅地方，預計一個月時間玩到盡，相信馬明可以配合到，佢會叫我唔好買嘢就得，但係我都驚自己有幾年冇出trip，今次會忍唔住瘋狂shopping。」

{{hket:inline-image name="VCG111445257217.jpg"}}{{/hket:inline-image}}

靚湯又透露未來幾日會往試婚紗，希望婚禮上最少有一套婚紗和晚裝，「不過婚紗款式就希望保持神秘，到婚禮嗰日先畀馬明見到，可以有個驚喜，因為平時佢都見慣我着晚裝，希望佢到時係感動，唔係天然呆。（款式好性感？）唔會太性感，會以簡單為主。」

採訪：黃寶蓮

撰文：娛樂組

相片：東星