鄭欣宜「失蹤」3個月消瘦現身 傳抑鬱憑歌寄意：有天我會好

鄭欣宜神隱3個月引起無限揣測，中間更曾傳出死訊，令人擔憂。雖然經理人林珊珊曾表示欣宜安好，但欣宜一直都未有親身交代，所以大家都好關注佢狀況。終於，欣宜朋友喺噚日上載欣宜唱歌片段，fans們可以鬆一口氣。

同場加映：Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

昨晚欣宜老友外籍髮型師Benjamin，喺社交平台分享欣宜自彈自唱嘅片段，留言：「i love it when she sings to me.」相信佢都好愛欣宜唱歌時充滿光彩嘅一面。欣宜着上印有「香港女歌手」字眼嘅長袖衫，於片中睇到佢嘅背影消瘦咗唔少，欣宜唔知係咪憑歌寄意，彈奏佢自己嘅歌曲《有天我會好》，當中歌詞如下：「I'm alone but I'm not lonely So please don't feel sorry for me有天我會好 和從前一樣真的 沒事 別同情 如果我 還有點力氣 我想哭 大哭出聲音 有天我會好 不用誰指教 Yeah I know that I'm alone But I'm not lonely.」似乎係叫大家唔使擔心佢。

相關新聞：李玟生前擔心欣宜「失蹤」停工 胞姊爆世姪女同受抑鬱症煎熬

早前李玟離世，李玟胞姊李思林講到妹妹生前仍關心欣宜，表示好想幫到欣宜，間接踢爆欣宜抑鬱病復發，唔少人都非常擔心。而欣宜今次現身，引來大批網民立即留言，大家都表示好掛住佢，同埋佢嘅天籟之聲，希望佢快啲好番，可以出嚟同大家見面啦！

圖片來源：Instagram