何猷君殘舊白鞋參加名人P夠貼地 猷亨有男人味「筍盤完全體」

現年66嘅謝玲玲與前夫林建岳育有兩子三女，日前佢哋嘅龍鳳胎仔女林孝能同林心兒（Elly）33歲生日，二人大搞粉紅Barbie主題Party，仲廣邀唔少城中名人同富二代，而眾人都配合Barbie主題Dress Up，引爆少女心！

同場加映：

李日朗為醫嫲嫲入行迷失自我「小顏術一代宗師」享受演大奸狗

{{hket:ul-video id="8638"}}{{/hket:ul-video}}

謝玲玲於社交平台甫出與壽星仔女合照，留言：「時間過得真快，又是一年了，最小的龍鳳胎兒女心兒和孝能。從小就喜歡芭比的心兒，圓了一個芭比生日會。」現場生日會佈置非常夢幻，女主角Elly一身粉紅色Tube Dress，心口大大個蝴蝶結，似足Barbie！不過，另一壽星林孝能就穿著紅白間Shirt配白短褲，非常出戲同神情呆滯，似乎唔太啱玩！

{{hket:inline-image name="358339781_227250676889524_4991671635066814811_n.jpg"}}{{/hket:inline-image}}

嘉賓之一，賭王孻仔何猷君𠱁番壽星仔，淨係Post同林孝能嘅合照，留言：「Even though I’ve lost my title as your favorite Ho, happy bday my favorite Lam.（雖然我不再是你最愛的「何」，生日快樂我最愛的「林」。）此舉引來心兒「呷醋」，留言：「Where’s meeee? Peen sum.（我呢？偏心。）」猷君彷彿如夢初醒，先記起同樣係心兒生日。而謝玲玲另一張相就見到猷君着上粉色曼聯波衫，襯上一對殘舊白波鞋，原來佢帶埋太太嚟，奚夢瑤同樣打扮到好似Barbie一樣。

猷君哥哥猷亨就「識做」過佢，同晒林孝能同林心兒合照，絕冇偏心。猷亨同細佬一樣都係着波衫，比較低調嘅猷亨好少喺社交平台出現，而今次見到佢真係越大越靚仔，仲比以前瘦咗同男人味多咗，未結婚嘅佢無疑係何家終極「筍盤完全體」。

撰文︰娛樂組

圖片來源：Instagram