網購中伏｜淘「門阻」防酒店賊人 港女實測出事險將自己鎖死房間內

出外旅行最重要玩得安全放心，一名女網民因擔心去旅行住酒店時遭賊人開鎖入房偷竊，遂從「淘寶」購買一款門阻，防止房門被人從外打開，然而她在家中試用時，卻險將自己反鎖房內。

同場加映：
管家王｜90後女木匠回收廢木卡板 造慳位桌椅送贈劏房戶

{{hket:ul-video id="8645"}}{{/hket:ul-video}}

家居好物｜港女淘$17晾襪神器一次掛30對襪，網民讚實用：晾乾成個放入櫃，詳情即睇：【下一頁】

一名女網民上周五（7日）在Facebook群組「淘寶開心share」中發帖，指丈夫有一次到內地公幹住酒店，明明已將房門上鎖卻遇竊。其他網民也在本港酒店群組講述鎖好房門仍被清潔職員闖入之荒唐事，稱︰

「喺香港酒店群組見過有咁樣嘅一件事：某某同朋友喺酒店房，突然聽到有人從外邊用門卡將門打開，原來係清潔姐姐入去執房，清潔阿姐話收到指示房間已check out，所以用卡開房門，預備工作，原來大堂負責check out嘅職員輸入咗錯房號。」

事主表示，為了住酒店時更安心，毋須擔心睡著後遭人開鎖入房偷竊，最近從網購平台「淘寶」購買一個「門阻」。從照片可見，該門阻是一塊金屬鋼片，中間有9行條狀裁形，當揳入一塊鋼製半月型扣片，就可防止房門被人從外面打開，達至反鎖作用；移除扣片就可順利開門。

↓ 點 擊 圖 片 放 大 ↓

她形容扣片十分堅硬，比用椅子阻擋房門更安全，「門阻另一邊係會扣住咗門框門鎖個窿，扣住咗再將門掩埋，有罅縫嗰塊鋼片係點搞都唔會跌出嚟！必須要將門打開先至能夠取出」。

收次貨險些反鎖房內

事主打算在去旅行前在房間測試，未料收到次貨，險些將自己鎖在房間，「塊扣片厚過間縫罅位，嗰塊扣片插咗入間縫後唔出得」，幸最後有驚無險解決問題，但她認為門阻也能保障安全，

「呢個門阻真係可以牢牢把門鎖死，我覺得呢個門阻係work嘅，只不過咁好彩收到個次貨啫。我可以肯定話你聽，除非你住嗰間酒店甩皮甩骨，否則用咗呢一款門阻，一腳一定踢唔開道門，補多幾腳就有啲可能，到時拆屋咁大聲，冇可能唔醒吓話。」

事主自言大意，未有測試產品「靠唔靠得住」就入房放入門阻。她拍片向賣家反映後，對方稱會重發一個「包冇問題」的門阻給她，「希望佢重新發過畀我嗰一個係可以正常使用」。

網民：住酒店有咁危險？

不少網民看到帖文後，認為門阻實際作用不大，「我都是放個水樽在門柄就算了」、「去旅行住酒店有咁危險」、「一個磨機就搞掂你」、「其實放張凳就得，做乜要帶多件嘢」、「火燭出唔到去到時冇咗條命」、「我都想買，因為一個人出差感覺安全啲，睇完你個post（帖文），都係唔買，反鎖自己仲大鑊」；都有人指會試用，「我開頭都諗住買呢款，之後睇睇吓買咗另一款，嚟緊去旅行至試到」。

浴室清潔｜港女淘$22清潔神器，浴屏水龍頭千年水垢一抹即甩，詳情即睇：【下一頁】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

每朝索取《晴報》：精明生活．健康家庭．開心娛樂