學童近視｜港媽公審女兒近視「唔出聲」直至意外發現 反被批唔識做父母

近年因受疫情影響加速網上學習進程，學童近視加深速度加快，有港媽近日發文吐苦水，批評女兒「有近視唔出聲」，直至看電影時被她意外發現，才慌忙帶她去驗鏡配眼鏡。然而「公審」女兒做法反令網民不屑，指出定期帶子女驗眼為家長責任。最近有調查發現，近半學童首次驗眼已有近視，更有兩成學童已超過275度。

同場加映：

管家王｜關冷氣順手熄大掣易壞機 教你解決唔涼發臭滴水5大問題

{{hket:ul-video id="8696"}}{{/hket:ul-video}}

該名港媽近日在網上討論區「親子王國」，以「點解個女有近視自己唔出聲，好激心」為題發文，指與女兒看電影期間，女兒卻無法理解情節，屢次向她詢問「講乜」，她追問女兒，才得知女兒「睇唔清楚字幕」。港媽急忙帶女兒前去驗眼，結果發現已患有百多度近視。

港媽事後責怪女兒太遲開聲，

「嬲到我爭啲暈低咁滯！如果佢唔講咪可能分分鐘要200幾度先發現？有時真係唔明自己個小朋友諗乜......」

她最後詢問一眾家長可以如何與女兒加強溝通。

網民：係父母責任

港媽的帖文結果引來網民批評，指出小朋友未必知道自己有近視問題，相反作為父母，應更主動留意子女，斥責︰「小朋友可能都唔知自己近視，我嗰時小學一量就三百幾度，樓主身為父母，應該主動留意子女！唔係掉轉話子女唔主動出聲，始終身為父母已經係成年人有經驗」；「定期帶小朋友驗眼係家長既責任，你係咪應該嬲自己多啲」、「我細個都係咁，細時點知喎」、「咁都嬲？睇嚟你平時好惡，個女有問題都唔會同你講啦」。

2成學童首度驗眼逾275度近視

香港執業眼科視光師協會在今年3至4月，普查全港小學生疫後視力情況，受訪的293名小學生家長中，當中48%學童第一次驗眼已有近視，平均年齡為6.4歲，平均度數達165度，更有20%學童逾275度，初小生及高小生分別有6%和4%人達425度或以上。

調查又發現受訪家長中，僅7成除帶子女在母嬰院、學童保健視力檢查外，私下再帶子女到眼科醫生及執業視光師等驗眼，但多數會待子女「睇唔清」始去驗眼。協會外務秘書蕭志忠指出，因網課盛行，受訪學童日均用4.4小時用電子產品，高小生在假日更花逾5.9小時使用，主要用於學習、打機及睇片，加上每日僅45分鐘日間戶外活動時間，遠少於建議的兩小時，因此他坦言對學生疫後近視加深「並不吃驚」。

協會會長郭偉華強調，近視並無「安全水平」，即使6歲時僅50度近視，若無任何近視控制，至17歲時仍有機會飈升至665度，

「一般愈小出現近視，加深幅度愈大，即使日後做激光矯視，也無法改變已被拉長的眼球。」

有本地8歲學童便因有500度近視，一日突然失去視力，檢查後始知視網膜脫落，修補後餘生仍只能看到光與影。

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】