郭晉安麥玲玲「被代言」惹禍 內地樓盤富力苦主「大字報」求助

著名玄學家麥玲玲、郭晉安同多位藝人捲入樓盤風波，一群於內地置業嘅業主因與發展商出現糾紛，有部分業主指責呢班有份「代言」嘅藝人，更寫「大字報」要求佢哋幫手討公道。

同場加映：

193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

據悉該集團除邀請麥玲玲、郭晉安之外，亦有其他名人及玄學家︰例如楊思琦、李丞責、陳芷菁等參與過唔同宣傳活動，而該樓盤的紛爭初步涉及用地條款。麥玲玲曾回應有關指控時大呻無辜，佢表示自己從來唔係佢哋代言人，亦都冇幫過樓盤睇風水，稱：「當時我只係接受邀請，出席樓盤嘅講座活動分享基本風水知識。其實年中我都推咗唔少商業活動，尤其地產集團嘅邀請，通常有番咁上下認受性先會考慮，即使唔係做代言人，都會盡可能了解一下公司背景，但佢哋之後嘅銷售手法我真係控制唔到。」

{{hket:inline-image name="Wh.jpeg"}}{{/hket:inline-image}}

雖然麥玲玲無端成為「擋箭牌」，她直言明白小業主的心情，「佢哋真金白銀買樓，收樓出現問題一定係慘，加上好難搵到發展商出來對質，投訴無門嘅心情我好理解。」佢希望內地有關部門正視問題，協助苦主解決困難，期望發展商早日與業主解決紛爭。

而郭晉安亦成為麥玲玲之後嘅另一個「中槍」嘅人，苦主寫出大字報，指佢「視帝好男代言詐騙樓盤」，又叫佢解救小業主。翻睇2019年9月嘅一張宣傳海報，郭晉安只係「產品發佈會暨明星見面會」嘅「特選嘉賓」，並唔係「傾情代言」，相信苦主們都係走投無路先咁講。

現年70歲富力地產聯合創始人張力涉嫌在多用途住宅和商業綜合項目的開發許可過程中行賄，涉嫌在一名美國官員度假時，為官員支付酒店住宿費以及贈送禮物，去年在希思羅機場被捕。如今，此案件正待美國法院審理，若張力被判有罪，將影響企業的形象和市值。富力地產回應在事件曝光後，富力地產的股價亦遭到打擊。

撰文：娛樂組