父母對待子女不公，定必對家庭關係帶來負面影響。一名女網民近日發文吐苦水，指母親向來重男輕女，即使兄長不給予家用，並不顧家，母親卻事事以他為先，甚至明言會將居屋留予兄長，著她自行排公屋。事主形容在此環境下生活長期感到壓抑，患上抑鬱症甚至萌生死念，但一個原因令她一直苦忍未有搬走。
同場加映：
管家王｜90後女木匠回收廢木卡板 造慳位桌椅送贈劏房戶
醫生拆解3大抑鬱症惡化徵兆，家人勸慰時一句話恐成催命符，詳情即睇：【下一頁】
一名女網民上周六（8日）在「香港討論區」中發帖，表示自己有一兄一姊，姐姐現已嫁人，父親在多年前去世，她與兄長和母親同住。事主形容母親重男輕女的態度，從生活中各種細節能深切體會：
- 如她遲放工回家，母親永遠不會等她開飯；相反如兄長晚回家，則必須等他回來才可以開飯
- 母親抹地從不會抺其房間，天氣好時也不准她洗床單，「因為要洗阿哥嗰張，佢就個個星期有人幫佢洗，我就要等到好天佢哋又唔洗其他嘢先可以自己洗」
- 早上如兄長不在家，母親會把電視聲開到最大；相反兄長在家，母親會擔心「嘈親佢」減低聲浪，「就算瞓到11、12點都要細聲，我朝朝5點幾起身要餵狗食藥、食飯，到7點瞓多一陣就好似覺得我瞓多陣係唔應該，開到大大聲驚死我聽唔到」
- 雖然兄長已數年不給予家用，但「只要佢返屋企食飯，就一定有餸；如果佢唔返，我就冇餸食，我嘅生活全部都要睇佢哋想點就點」
- 「屋企所有嘢都係留番畀我做，放工返到屋企，就算阿哥有大概半個鐘先返，都唔畀我沖涼（但其實我沖涼最耐都係15分鐘）」
母親生活上處處以兄長為先，然而每當有事便向事主求助，
「一有啲乜嘢要申請整唔到，永遠淨係會叫我做，無論我嗰晚幾夜放工，飯都未食就會叫我做，而喺屋企嘅阿哥就咩都唔使做。」
欲將居屋轉名予兄長
事主指最近母親想將物業轉名予兄長，並著她自行排公屋，令她更感憤怒。她曾向母親道出不滿，反被指責太斤斤計較，
「咁即係呢世我都要做下把。因為我阿婆嗰邊全部都係咁，所以我阿媽唔覺得咁做有咩問題，反而佢成日話我一家人計住晒。其實我都唔知係咪我問題，阿媽成日話一家人唔應該左計右計，究竟其實係咪我先至有問題睇唔開？」
事主坦言，憎恨這個家庭和母親，已經不想跟母親見面和說話，「我控制唔到自己有呢種感覺，我直頭想自己係一個死剩種，咁我就唔使長期受不公平對待。我有時會諗到，可能我唔係佢生，我會想跳樓」。長期感到壓抑，事主稱自己患上抑鬱症，曾看醫生和輔導員，但並未能改善，「好老實講，睇完輔導係仲衰，因為佢只係幫我𢯎晒所有唔開心嘢出嚟，一次過所有嘢爆咗出嚟，但冇解決」。
為照顧愛犬未有搬離
容忍度早已已達臨界點，她直言「唯一嘅生存動力」是家中15歲狗狗，形容牠現時年老患病，她不想狗狗適應新環境才未有搬走，當狗狗百年歸老後，即使只能負擔劏房租金也會選擇搬走，
「係開呢個post前一刻，我有諗過一嘢跳落去。如果而家又睇（醫生/輔導員），我更加難儲錢出去租房住，所以先會試吓出post睇吓可唔可以紓緩吓情緒。」
網民體諒籲要活得更好
不少網民看到帖文後，表示理解事主的苦況，形容在這種家庭環境下生活的確相當辛苦。有人建議事主如跟母親溝通後仍無改善，帶狗狗搬走是最好做法，同時鼓勵事主保持心境開朗：「唔值得浪費時間唔開心」、「多做運動，多啲出街行吓」。
↓ 點 擊 圖 片 放 大 ↓
- {{hket:inline-image name="CP4-29.jpg"}}{{/hket:inline-image}}
- {{hket:inline-image name="CP4-30.jpg"}}{{/hket:inline-image}}
- {{hket:inline-image name="CP4-31.jpg"}}{{/hket:inline-image}}
- {{hket:inline-image name="CP4-32.jpg"}}{{/hket:inline-image}}
- {{hket:inline-image name="CP4-33.jpg"}}{{/hket:inline-image}}
- {{hket:inline-image name="CP4-34.jpg"}}{{/hket:inline-image}}
- {{hket:inline-image name="CP4-35.jpg"}}{{/hket:inline-image}}
- {{hket:inline-image name="CP4-36.jpg"}}{{/hket:inline-image}}
對人歡笑背人愁、堅強樂觀示人，兩類人易患「微笑抑鬱症」【症狀一文睇清】，詳情即睇：【下一頁】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
每朝索取《晴報》：精明生活．健康家庭．開心娛樂