TVB新劇《靈戲逼人》，李日朗飾演陰險男Eric，先陷害張振朗抄歌，再夾埋記者偷影對方在拳館打他。這是李日朗拍畢《十兄弟》，較多戲份的劇集。他在娛樂圈20年，星途崎嶇，也曾意興闌珊去到北京重新開始。其實他小時候「我的志願」是做體育老師，試過不同的工作，體會更深。41歲的他找到新目標，以小顏術協助別人尋找內心的安慰。
李日朗去年拍攝內地劇集後，經吳岱融、王浩信等人穿針引線下再拍TVB劇。他接受《晴報》訪問時表示，對上一次拍TVB劇是2007年。他開心地稱，這次與蔚雨芯、龔嘉欣等認識多年的朋友合作，自己雖演奸角，都幾有艷褔，表示︰「監製（王偉仁）好好人呀，畀咗呢個機會我，我同蔚雨芯有床戲，而家新一代女神係劉穎鏇，有場戲佢要色誘我，我覺得返嚟TVB係值得啦！」
星格BOSS丨李日朗考獲日式小顏術證書 親手為蔡思貝修正歪鼻好神奇【下一頁】
輕功丨嵐嵐自揭不育決心跟未婚夫分手 蔣祖曼好戲連場 素顏樣細過朱敏瀚【下一頁】
回想，像其他人一樣，初入行有如白紙一張，李日朗笑言自己是偶像派，卻缺乏音樂、生活、演戲知識，又不懂與人溝通，惟有每天買報紙看，增廣見識，見到其他人時可以有更多話題。他的星途跌跌撞撞，遇上迷惘期，萌生退出的念頭，慶幸有不少前輩鼓勵。第一次想放棄娛樂圈的工作，是2005年頭，他說︰「2003年嫲嫲有病，要好多醫藥費。點知見到華星《新秀歌唱大賽》，獎金獎品有20萬，所以諗住去試，但只係去到十六強。兩年後嫲嫲喺我生日嗰日離開咗，之後我有認真諗過，係咪應該離開呢一行？返去重新過番自己想過嘅生活？回頭會唔會太遲？同埋我係咪適合做藝人？有前輩同我講，做呢行唔係你揀就得，係呢一行揀你，既然你仲喺呢一行做緊，就不如繼續做啦！」
再努力地做下去，但內心還是未能適應。當日唱片公司安排李日朗與蔣雅文（Mandy）以情侶組合在活動上表演，他遇到入行第一個低潮，「2005年之後，對自己嘅表演一路唔滿意，好感激Mandy，掩飾咗我喺台上好多不足嘅地方...因為係合唱嘛，佢至少幫我頂咗半首歌！」
隨後，跟胡應湘長子胡文新扯上關係，弄到一頭煙，急忙澄清。李日朗說：「當年真係一場誤會，總之報道同事實係兩回事，之後喺某啲場合再見到佢，我有道歉。呢件事之後，隔咗兩年，08年我就去咗四川賑災幫手重建，我好想去睇吓呢個世界。返咗香港之後，賣晒所有嘢，09年去北京生活，發展事業。」
李日朗找到曙光，在北京找到重生的機會。到彼方之初，他靠朋友接濟，暫住朋友家中，朝早去叩門見導演，作自我介紹，尋找演出的機會，晚上就打工賺取生活費。自言性格開朗的他，回望以往經歷的風浪，並非一件大事，豁達說︰「嗰陣乜嘢工都做，有一份工我係做清潔，清潔大廈外牆玻璃窗...某個夜深問自己『係咪好墮落？』同我一齊抹窗嘅同事，佢目標係賺錢返鄉下起屋；我有夢想，想做個稱職演員...我可以日頭去面試，晚上有空可以去見導演，尋找機會...其實我冇慘過，反而好開心，有勇氣畀自己重新開始，有時間諗清楚路向。」
在北京居住了6年，李日朗於娛樂圈漸漸做出成績，他兼任幕後工作，自編自導自演一齣網絡電影《神探茄喱啡》，反應甚好，於內地播放點擊率逾五百萬。之後也憑《特區》在《中韓國際電影節》奪得「最佳新導演獎」。現時，他仍然不時有天馬行空的構思。
當年他去美國擔任陳慧嫻演唱會的表演嘉賓，順道欣賞百老匯騷，又有新諗頭，李日朗︰「我將全份歌酬攞去睇唔同嘅百老匯騷，嗰啲演出顛覆同埋刺激咗我，好想將平時聽嘅歌，變成有畫面。」2015，他製作了一張唱片《Fly me to the Earth》，碟中8首歌，其中一首更是「驚為天人」，是以哭腔唱出《傻女》。他笑言雖然推出後不久，被樂迷罵得狗血淋頭，但沒有令他後悔，「呢隻碟，到而家我都覺得，係做到自己最想做嘅事！我想人哋睇到李日朗喺音樂上嘅變化。」這個嘗試倒也不差，業內有音樂人大讚製作講究，他也正在構思推出新歌。
早幾年，李日朗接觸日式小顏術，開拓新天地。在自己親身體驗後，去學習這門手藝，進修半年後考獲證書，也開舖了，幫過不少人重整臉容找回自信，他十分有自信地稱︰「喺全國小顏術協會，除咗創辦人，我就係唯一一個男老師。之前冇諗過做美容，太大責任感。客人的好評，令我產生使命感，專注幫助佢哋。有個客人喺短短一個月失去晒身邊人...嗰位客人一邊做面一邊喊，或者佢唔係想搵番個外在美，而係想藉住做面搵番啲新嘢，填補自己內心缺失。我知道喺療程期間唔可以突然走咗去，使命感令我要專注、妥善做呢份工作。」
事業上找到新方向，另一方面，他跟「翻版林志玲」黃靜藍拍拖以來，感情穩步發展，經常在社交平台放閃，「我對感情冇把握，唔係努力就有收獲...呢5年感情，當然結婚係下一步目標。」四十而不惑，李日朗稱，在生活、工作上經歷了起跌，細味人間冷暖，往後會繼續隨著自己心意，小心翼翼地成就夢想。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：王連連
攝影：何家賢、林君茹