Lucy為𠱁fans開心簽名影相200次 Lu媽落淚曾被鬧無恥當女搖錢樹

李璨琛同太太梁志瑩（Sophia）嘅5歲囡囡李元元（Lucy）自出世以來都一直深受網民喜愛，followers人數幾何級咁上升， 人氣勁過唔少明星。今年Sophia推出以Lucy為主角嘅書《露西的微笑》，日前兩母女在尖沙咀舉行簽書會，雖然簽名名額只有200位，但現場吸引了近500人圍觀，場面墟冚。Sophia事後大讚囡囡表現，被一班忠粉感動得當場流淚，又於社交平台分享自己一直被外界抨擊嘅心情。

同場加映：全民造星V丨Nathan女友離世認曾考慮過退賽 王鋒跟阿澤反目糾紛仍需時間解決

{{hket:ul-video id="8595"}}{{/hket:ul-video}}

活動開始前兩母女於台上對答，Lucy知道現場都係佢嘅支持者，表示：「Fans，自己啲Fans，即係好鍾意我嗰啲人。」佢又指粉絲喜歡佢係因為覺得佢靚，令Lucy媽同現場朋友都忍唔住大笑。Lucy媽又爆料指Lucy不時拒絕粉絲影合照冇特別原因，只係憑感覺隨性去答應，希望粉絲不要太難過；而李璨琛亦有帶同細女李斐斐及Lucy契媽現身支持。隨後簽書會開始，Lucy拎住印仔不斷為粉絲蓋印，而李璨琛與Lucy契媽亦在旁協助她。現場有90歲婆婆坐輪椅到場支持，大會安排她排頭位，而Lucy亦十分識做，熱情地向婆婆打招呼。

{{hket:inline-image name="2.JPG"}}{{/hket:inline-image}}

Lucy媽被fans們的真摯打動，感動到喺台上流淚。Lucy媽呢幾年多次被人指責佢當囡囡搖錢樹，佢留言：「這五年間，無數次被人刻意曲解，一路上仍然有您們願意打開這扇門去理解我堅持背後的真正意義，在台上說到這裡，然後望到台下每一個人都默默在聽、有些甚至連眼框都頃刻紅了，當時心裡想到能被理解並非必然，鼻子一酸頓被感動，覺得自己很是幸福！」

Lucy媽表示完全冇諗過無聊紀錄逸事會令到佢得到咁多，佢又大讚囡囡Lucy當日表現得好好：「李元元，你確是媽媽的驕傲！一個五歲的小朋友可以頂住做同一件事200次！前個幾星期已經開始教育她為甚麼要這樣做。我跟她說：『你盡力而為啦！想簽就簽！唔想簽你就可以貼你自己畫嘅貼紙或者吸印仔俾佢地都得！佢哋收到會好開心㗎！』然後她問:『媽媽，點解佢哋會好開心呢?』我:「佢哋咁鍾意你，然後你咁做就好似親手整緊啲小禮物送畀佢哋咁，你令到佢哋咁開心，你自己唔開心咩?』然後她認真想了一想，點頭回道：『嗯，都係！』這個小人仔，昨天，我認為她是有抱着這份愛，在默默堅持着。」

Lucy媽最後再一次感謝fans們替佢人生寫下精彩一頁：「很多人說我利用你去賺錢，有人更說我是無恥至極。我認為，到現在我還站在這裡跟大家說更多的話，是我的勇敢！」

圖片來源：Instagram