劉鑾雄10歲兒子劉仲學出桌上遊戲 甘比感激周星馳：佢好鼓勵我囝囝

富商劉鑾雄（大劉）的10歲兒子劉仲學推出的board game（桌上遊戲）《Arctic Party》，今日正式開賣，並於銅鑼灣舉行試玩派對。大劉與太太陳凱韻（甘比）帶同14歲大女劉秀樺及5歲細女劉秀兒，全家撐場支持仲學；大劉好友周星馳（星爺）亦在IG幫手宣傳，甘比感激星爺說︰「佢好鼓勵我囝囝，仲話好掂！」

同場加映：全民造星V丨Nathan女友離世認曾考慮過退賽 王鋒跟阿澤反目糾紛仍需時間解決

{{hket:ul-video id="8595"}}{{/hket:ul-video}}

{{hket:inline-image name="1.jpg"}}{{/hket:inline-image}}

{{hket:inline-image name="6.jpg"}}{{/hket:inline-image}}

劉鑾雄今日現身活動撐兒子劉仲學，大合照期間不但興奮舉V，更激罕派心心，非常投入。仲學設計的桌上遊戲《Arctic Party》宣揚地球暖化及環保訊息，他即場送贈一批遊戲予苗圃行動的受助兒童，並準備親筆簽名版本予支持者選購；亦有部分遊戲贈予參加劉鑾雄慈善基金「生活援助計劃」的家庭。

{{hket:inline-image name="3.jpg"}}{{/hket:inline-image}}

{{hket:inline-image name="5.jpg"}}{{/hket:inline-image}}

陳凱韻與仲學、秀樺結伴受訪，甘比透露《Arctic Party》未正式推出已賣了1,000盒，「我同劉生（大劉）曾經覺得仲學咁細個，應該學業為重，但個仔受家姐影響，做生意兼做善事幫人。」她指仲學籌備了半年時間，家姐秀樺亦有試玩，秀樺說︰「爸爸（大劉）有畀少少意見，佢不停鼓勵細佬做呢個桌上遊戲。」提到老友周星馳在網上出po加持，甘比說︰「佢好鼓勵仲學，之前佢已經話咗一出game，就送一盒畀佢，送咗之後佢好開心，仲話好掂，不過唔知佢識唔識玩。（相約試玩？）諗住約佢教佢。」

{{hket:inline-image name="4.jpg"}}{{/hket:inline-image}}

提到秀樺曾經做生意賣鬼口水，提到兩姊弟皆具生意頭腦，甘比笑說︰「唔知係咪跟得爸爸多。」至於大劉受訪時，大力支持兒子推出桌上遊戲，「我當然好支持，失敗乃成功之母，一定要嘗試，成世唔試就喺溫室中長大，所以全力支持佢哋去試，無論個仔、大女、細女有乜嘢idea都會支持。」

{{hket:inline-image name="9.jpg"}}{{/hket:inline-image}}

採訪：梁紹明

相片：大會提供

撰文：娛樂組