全民造星V丨王鋒回應擅改舞步事件認有錯 盼與阿澤重修舊好

ViuTV《全民造星V》10強誕生，總決賽將於7月16日晚舉行。王鋒早前在dance battle中，將預早夾好的舞步上臨時作出更改，因而被阿澤投訴，事後他強調並非有想跣或害對方的想法。負評不絕的王鋒，直言有看網上討論區評論，又表示經此一事會視為學習，亦會作出反省，他表示：「自己的確係做錯咗，冇必要去狡辯，總之就做好自己；我有同阿澤道歉，大家有去傾，知道佢都有佢嘅情緒，我亦冇強求佢一定要原諒我。」

同場加映：有線一哥丨李尚正女友積極抗癌令人生轉念 身心健康最重要：唔打算離巢

{{hket:ul-video id="8578"}}{{/hket:ul-video}}

{{hket:inline-image name="17.jpg"}}{{/hket:inline-image}}

{{hket:inline-image name="IMG_0928.JPG"}}{{/hket:inline-image}}

至於可會覺得因參加遊戲而失去一個兄弟？王鋒表示只希望時間可以慢慢沖淡，強調仍十分珍惜這段友誼，他又說：「阿澤多多少少有介懷，我哋雙方都有共識畀啲時間沖淡，因為始終仲係局內人，仲喺比賽入面，過一排再睇吓點彌補呢件事。」然而網上爆發罵戰，質疑ViuTV刻意以節目或鏡頭為其洗白，對於自己是「親生仔」傳聞，王鋒自覺十分幸運，又表示：「可能係剪接上問題，但外間就未必咁諗，其實製作組同ViuTV都好鍚大家，可能大家覺得我係親生仔，但我無咁睇呢件事，我亦都冇特權，最緊要做好自己。」

{{hket:inline-image name="110.jpg"}}{{/hket:inline-image}}

{{hket:inline-image name="IMG_0916.JPG"}}{{/hket:inline-image}}

而田曜誠（Tsoul）和黃家灝（KC）在昨晚節目上回應王鋒此事時，因節目組剪接關係再遭到網友鬧爆，事後兩人分別社交平台澄清，又播回足本版心聲才了結件事。Tsoul今日回應時表示事件已過去，明白節目需要剪接及播出時間有限，他強調事件沒有影響心情；而KC亦認為是小事，此刻最重要是修補大家關係，亦不認同是剪接組擺了兩人上枱。

{{hket:inline-image name="IMG_0866.JPG"}}{{/hket:inline-image}}

採訪、攝影：楊安莉

撰文：娛樂組