全民造星V丨Nathan不滿被評判話造型似楊過 Ash獻唱送亡父大派洋蔥

ViuTV《全民造星V 》昨晚播出的一集，魏念恩（Nathan）迎戰卓金樂（Kim），前者的造型被嘲似楊過，他表示寧願似隻鵰，更自封「魏鵰恩」！

同場加映：

陳慧琳爆兒子最愛看周星馳電影 自薦飾演《少林女足》退休教練

{{hket:ul-video id="8545"}}{{/hket:ul-video}}

{{hket:inline-image name="356876373_576537668021157_7880108440553332120_n.jpg"}}{{/hket:inline-image}}

{{hket:inline-image name="7648647.jpg"}}{{/hket:inline-image}}

首先出場的，鄧家杰（Kakit）與盧信宥（Ash）對戰，前者唱原創歌《who Am I》，指這首歌是描述人人都被AI（人工智能）影響，最壞的情況是不能做自己，像扯線公仔；他續說，即使將來被AI取代，站在舞台上的表演者依然是活生生，是獨特、唯一的。演出期間，Kakit有一倒地動作，面朝地面被拖走，評判馮穎琪看得太投入，一度驚到說不出話來，稱︰「由你被人拖入去開始，我滴晒汗，我而家未驚完，我交畀下一個評判先！」王君馨接着說：「我都驚呀！頭先我驚你塊面會刮花，我對你嘅rap印象好深，我真係聽清楚佢講乜，好有故事性，加上台上互動，如幻似真嘅經歷，我覺得成件事好好！好似睇緊電影咁。」

全民造星V丨香胤宅Lyman獲5盞紅燈殺入10強 壓力大到曾自責兼生風癩【下一頁】

至於Ash就選唱《小心地滑》迎戰，而原來在他籌備表演之際，收到家人急電，他表示︰「我返馬來西亞前一日接到電話，話爸爸過咗身，成件事來得好突然...呢段時間返去籌備都諗住寫番啲嘢畀我爸爸，我想將少少嘅message擺喺首歌入面，變成rap詞，都係對我爸爸嘅一份紀念。」

事後評判Edward Chan也大讚歌曲結尾的rap，Ash對評判們解釋：「我爸爸不幸地喺兩星期前過咗身，好遺憾佢冇辦法陪伴住我嚟到20強，睇我呢次表演，只係差一步。我好想趁呢個機會，親手寫啲詞帶畀爸爸，畀佢知道其實佢個仔一直以來，都有記住佢嘅教誨。」馮穎琪哽咽說：「我好感動，我覺得你好堅強，作為藝人，有呢份毅力同堅強，仲有尊敬、初心，我覺得係好重要嘅特質，加油！」已為人父的強尼感性地向Ash說：「我相信你呢段時候一啲都唔容易，我諗大家都明，佢選擇咗用嗰股力放落作品，你爸爸喺另一個地方，都會睇到你表演，我相信佢一定會睇到。」

最後，Ash獲得4盞燈晉身10強，Kakit雖然落敗，20強止步，他仍然替對方高興，淚流滿面地攬住Ash說：「好開心可以見到佢贏！」感動的一幕，令到王君馨、梁釗峰、馮允謙、韋羅莎都忍不住用紙巾拭淚。

全民造星V丨Nathan發文悼念跳樓輕生女友 女方家人嘲虛情假意爆事情真相【下一頁】

{{hket:inline-image name="29.jpg"}}{{/hket:inline-image}}

{{hket:inline-image name="30.jpg"}}{{/hket:inline-image}}

{{hket:inline-image name="32.jpg"}}{{/hket:inline-image}}

另一邊廂，Nathan自彈自唱《囂張》，用上了Loop Station，泳兒讚他的聲線有質感，有一種不食人間煙火的感覺，陳詠謙說：「呢個造型係楊過！」Nathan返回後台，似乎不喜歡這個稱號，陳蕾笑問：「咁鵰呢？」他想了一想便說：「鵰我OK喎！魏鵰恩！」他能否晉身10強？就要留意今晚對方Kim的演出！

目前已有8位參賽者順利殺入10強，包括希晉、王鋒、Taco、Lyman Heung、亨仔、Snoopy、Tsoul和Ash。

{{hket:inline-image name="33.jpg"}}{{/hket:inline-image}}

{{hket:inline-image name="34.jpg"}}{{/hket:inline-image}}

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】