《數你條命》｜56歲黃澤鋒望與同齡妻生第二胎陪囡囡 被批呢兩年機會大：希望得喇！

無綫J2（82台）全新風水命理節目《數你條命》由Depp師傅主持，昨晚一集主題是「數數子女命」，嘉賓有洪永城（Tony）太太梁諾妍（Inez）、吳若希（Jinny）、Jinny弟弟吳梓楓及黃澤鋒。56歲的黃澤鋒在4年前與太太喜獲女兒黃熙恩（小黃妃），他直言與太太仲想追第二胎，於是急急問Depp師傅，他們兩公婆還有沒有機會。

同場加映：

陳慧琳爆兒子最愛看周星馳電影 自薦飾演《少林女足》退休教練

{{hket:ul-video id="8545"}}{{/hket:ul-video}}

黃澤鋒指第一胎已經追咗9年，稱︰「我43歲結婚，同太太不設防，大家都好想有小朋友！喺呢段時間，太太有時冇嚟來月經，以為佢有咗，都係空歡喜一場。心情大上大落，都係得個吉。到第9年，太太真係有咗！都唔相信，真係上天賜畀我哋。」

{{hket:inline-image name="-98-3.jpeg"}}{{/hket:inline-image}}

他指當時也有搵堪輿學家去屋企睇風水，「其實嗰時想生小朋友，2015年搵人去屋企睇風水，4年之後就有，唔到你唔信…起碼個磁場係適合我哋生BB。真係夢想成真！」

囡囡小黃妃快將4歲，黃澤鋒表示與太太仲想追多一胎，「囡囡好sweet，佢想要咩，基本上都會畀佢。同埋始終得妃妃一個自己會悶，太太同我都想要有第二個，將來我哋老去，佢喺世上都有另一個親人陪嘛！」

{{hket:inline-image name="768.jpeg"}}{{/hket:inline-image}}

Depp師傅指，從黃澤鋒的生命密碼中可見，他在20歲、35歲及50歲的前後一、兩年有機會生女。而他太太的生命密碼中，她在55、56歲有貴人運，指出世的有機會是男孩。聽到有機會追第二胎，黃澤鋒即刻笑到見牙唔見眼，稱︰「呢兩年要搏命！」行房最佳時間是？師傅就指是農曆6至8月，他聽畢後表示：「要好努力，呢個係黃金時間！希望得喇！」

黃澤鋒2歲女兒小黃妃愛上姜濤？養家唔等如做大爺 照幫手做家務【下一頁】

撰文：娛樂組