梁家輝機場被捕獲親民合照 一個可愛舉動𠱁到粉絲手舞足蹈

現年65歲的影帝梁家輝與影后葉童主演的電影《我愛你》早前上映，兩人四出為電影宣傳。梁家輝日前喺機場準備check in之際被fans認出並要求合照，而親民嘅佢只係做咗一個好簡單嘅舉動，就已經𠱁到呢位fans手舞足蹈。

同場加映：Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

片中見到梁家輝正係同助手打點行李，一名女fans雙手合十行近，問梁家輝可唔可以同佢合照。梁家輝一點頭，開始時個樣好嚴肅，而女fans就笑到見牙唔見眼，仲舉起V字手勢，旁邊嘅梁家輝就望住佢，模仿女fans舉起V字手勢，露出燦爛笑容，連拍片人都忍唔住讚嘆呢個畫面太可愛！

{{hket:inline-image name="230626-23159-1-VuNqr.png"}}{{/hket:inline-image}}

合照之後女fans都係忍唔內心嘅激動，又跳又大叫，一臉感激之情，而梁家輝見到有人咁喜歡自己都似乎好開心，一邊笑住輕拍女fans，一邊有少少皺眉，彷彿叫佢唔使咁誇張，只係好小意思，零架子嘅表現真係好得人鍾意！

唔少網民都大表羨慕，又大讚梁家輝貴為巨星影帝都咁親民，即場反應，真係呃唔到人。不過由於post主唔係用中文，所以佢係tag「Tony Leung」，海外嘅朋友未必好熟悉，有人問係咪即係梁朝偉，又有人以為佢係另一位出名親民嘅影帝周潤發。然而有唔少人都馬上糾正佢係梁家輝，留言：「佢同樣都係好出色嘅香港演員梁家輝。」