林志穎遇毀容車禍後外貌大變？ 網民撐仍然靚：九死一生已經很難

48歲台灣男星林志穎向來有「不老男神」嘅美譽，而且亦一直活躍於娛圈。去年7月林志穎發生嚴重車禍，幾乎命仔不保，亦有傳佢因此毀容，令唔少人都好擔心佢會從此退隱，不過身體逐漸康復嘅佢開始恢復工作，而官方發布嘅相片都見到佢回復昔日靚仔樣。但早前佢被一位網民影到一條短片，外貌就一啲都唔似佢本人喇！

同場加映： 隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞

{{hket:ul-video id="8534"}}{{/hket:ul-video}}

{{hket:inline-image name="214205267_356848126092699_8798260973902828049_n.jpg"}}{{/hket:inline-image}}

日前林志穎於貴州出席商演活動，期間友善同大家打招呼同簽名，不時展露招牌微笑。不過有網民拍到一條短片，同佢之前嘅容貌唔太一樣，除咗好厚粉之外，臉部亦變得僵硬，眼皮厚重，雙眼仲冇乜神，有網民留言：「好像變了個人。」、「像那些直播帶貨的山寨版本。」「這是真的林志穎嗎？」。睇番佢嘅官方相片，大多數都係遠鏡，而且2023年嚟講個像素都唔係太高，都唔係睇得太清楚佢真面目。

林志穎之前發生意外後需要用鈦合金固定顏面骨，雖然專家話臉形恢復度可以好高，但始終都會有少少唔同。不過，有網民亦指影片有加上濾鏡，先導致林志穎變樣：「拍片的人美顏開太猛了……」、「先把美顏美妝關了再來黑吧」、「出車禍之後毀容了還能這樣其實還好，巔峰時期真的帥。」、「經過九死一生，已經很難，沒有必要討論別人的顏值」。然而，林志穎6月時都有再度賽車，對賽車嘅熱愛無可比擬。

圖片來源：微博