陳慧琳爆兒子最愛看周星馳電影 自薦飾演《少林女足》退休教練

陳慧琳（Kelly）今日以電影節大使身份出席「第七屆香港兒童國際電影節」活動，Kelly透露13歲大仔劉昇和11歲細仔劉琛最愛看周星馳的電影，又大爆囝囝愛追問戲中的粗口意思，Kelly惟有諗計仔「耍」走他們。

同場加映：隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞

{{hket:ul-video id="8534"}}{{/hket:ul-video}}

{{hket:inline-image name="103.jpg"}}{{/hket:inline-image}}

Kelly今日穿著一件杏色上衣襯白色貼身長裙亮相，大騷fit爆身形。Kelly透露兩名囝囝從小便喜歡看超人及英雄片，最初她都覺得OK，但近年看得多已生厭，她笑言：「佢哋細細個已經成日睇，由卡通片睇到大銀幕真人做，年年暑假都睇幾套，睇到我都亂晒大籠，個角色明明死咗又出番嚟。」

{{hket:inline-image name="35a35379-291e-4e58-8d54-45659931500e.jpg"}}{{/hket:inline-image}}

Kelly又指兩兄弟同樣愛看周星馳電影，尤其最愛《少林足球》，而大仔看完電影後，更強逼爸爸和弟弟拍了一個爭相吃鳳梨酥的廣告。提到周星馳日前招募《少林女足》的女演員，問Kelly可有興趣拍攝？她笑言：「吓，我仲踢到波咩？唔得喇，做嗰啲退休教練得唔得呀？」她指大仔劉昇有看過她的電影，但未必明白故事內容，「佢有睇過《盜馬記》，再大啲可能識睇《無間道》，《西遊記之孫悟空三打白骨精》都有睇過，但我只係佔少少戲份，佢哋最鍾意都係星爺嘅戲。」

{{hket:inline-image name="5ab24fe5-efe1-4465-8c1a-59e4b9136a72.jpg"}}{{/hket:inline-image}}

至於看完電影可會跟兩兄弟談論劇情？Kelly笑言：「佢哋最鍾意問啲粗口講乜，我話『依家唔興講呢啲，教咗你都無用』，耍走佢。」囝囝可有追蹤周星馳社交平台？「佢哋未識玩呢啲，未到嗰個歲數，遲啲啦！」不過Kelly大讚劉昇有導演天份，更有意讓仔仔朝住導演方向發展，「我有諗過叫佢幫我拍啲IG片，如果佢第日唔知讀乜，讀導演都有啲發揮。（叫佢拍片會畀人工？）梗係唔會畀啦，佢白做㗎！」

{{hket:inline-image name="102.jpg"}}{{/hket:inline-image}}

暑假即將來臨，Kelly因工作太忙而未有計劃跟兩名囝囝去旅行，「呢個暑假我要出新歌，又要去澳門開騷，最多帶埋佢哋去澳門，今年個旅行就爭住先。」而同場的小薯茄成員蔡曉童（童童），希望有機會邀請Kelly上其網台《雪櫃冷笑話》環節，問她是否不敢叫Kelly「收嗲」？童童笑稱：「我收咗（嗲）先。」

採訪：倪小珊

相片：東星