藝人關曜儁（Leo）在今年3月榮升爸爸，今日（25日）他在酒店為囡囡關凱妃（Lorraine）舉行百日宴。除了父母雙方的親朋戚友之外，Leo亦廣邀一眾圈中好友出席，如張振朗、鄧智堅、林穎彤、利穎怡、賴慰玲、黃建東、楊明、莊思明、朱斐斐、鄒兆霆、吳紫韻等都有到場，場面非常熱鬧。
同場加映：隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞
Leo接受《晴報》訪問，指今日是囡囡出世一百日，終於有做爸爸的實感，每一刻都不想離開女兒。他說：「開始慣啦，開始覺得會有想返屋企嘅感覺。之前連續返通宵再開早，有兩日冇見囡囡，個感覺真係差好遠，好想得一個鐘休息時間都衝返屋企見佢！佢而家見到我同太太係會笑，開始認到我哋啦！」
不少人都指Lorraine的笑容好似爸爸，Leo笑言覺得囡囡似媽媽Twinkle多些，「囡囡鬼靈精怪似媽咪，哈哈！」他又表示囡囡非常好腳頭，自己除了拍多了劇集外，健身室的生意亦都越來越好。
提到Leo早前有份拍處境劇《愛回家》，他就指好開心，「好開心入咗愛回家，同思明條線好盞鬼，嚟緊都有好多工作安排。而之前同楊明拍《迷網》時都friend咗，所以今日都請晒佢哋嚟，真係好熱鬧！」
而百日宴完成後，Leo又要開始著手籌備十月尾補辦的婚禮，他指很想邀請更多圈中好友見證他的盛事，「 想用chill啲形式，搵個rooftop傾吓偈、飲吓酒。」
而在《下流上車族》中飾演Leo爸爸的鄧智堅就指好開心見到「囝囝」榮升人父，原來他是首次見到自己的「孫女」，「抱孫好開心呀！我叫阿堅，就送咗條口水肩，同埋一套餐具畀Lorraine，希望佢可以豐衣足食，身體健康！」
問到他覺得「孫女」似她的爸爸還是媽媽多些？阿堅就表示：「兩個都似，不過女大十八變，呢啲話唔埋。不過佢好定，遺傳咗媽媽靚樣，同埋爸爸嘅正能量！」
阿堅去年在2022年《萬千星輝頒獎典禮》憑《下流上車族》奪得「最佳男配角」獎，他直言獲獎後帶挈他有不少工作機會。剛拍完《NEWS新聞女王》的他，是第一次與馬國明及佘詩曼合作，擦出不少火花，「角色係演新聞總監，電視部嘅old seafood。Lead住阿佘、馬明，對上阿頭就係龔慈恩。真係一人之下，萬人之上。劇入面會有好多辦公室政治、勾心鬥角。我同馬明合作有唔少火花，佢個角色亦正亦邪，一高一矮，蛇鼠一窩，哈哈！」
至於Leo好兄弟張振朗（Owen）亦有與女友楊偲泳出席Leo囡囡的百日宴，他指之前與朱敏瀚一同送了一條安撫巾畀bb，「等佢瞓覺時可以攬住，嗰個質地係好舒服。我哋希望BB可以好安心咁成長。」
他又大讚Leo非常成熟，「覺得佢都好快做到人爸爸，佢細我幾年，唔知點解佢咁快手就生埋b。我覺得佢係好成熟，佢自己搞生意有聲有色，到而家生埋B，同就嚟結婚，其實係好厲害。」問到Owen何時與女友拉埋天窗？Owen笑言：「暫時都係工作行先啦！」
父親節快樂｜關曜儁被3個月大囡囡笑容「融化」 望與老婆努力追龍B陪愛女成長【下一頁】