韓國廚神赴港丨白種元食飯遭狂sell 4千蚊埋單 網民質疑餐廳劏客被駁：良心價

韓國知名企業家、主持人、廚師兼作家白種元早前到訪香港，並於YouTube頻道分享一條標題為「白種元製作團隊的團聚飯就這麼吃」嘅影片。當日佢哋埋單價錢同白種元嘅反應引起大家熱烈討論。

同場加映：隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞

{{hket:ul-video id="8534"}}{{/hket:ul-video}}

白種元當日同製作團隊結束工作後去到一間茶餐廳食晚餐，一開始佢哋已經叫咗唔少餸，有切雞同椒鹽鮮魷等，白種元都對廚師嘅廚藝大讚，指切雞煮得恰到好處，一邊食，一邊「學嘢」，又話估唔到酒店附近就有咁好食嘅餐廳。

{{hket:inline-image name="2.jpeg"}}{{/hket:inline-image}}

食食下，一位疑似餐廳老闆向佢哋推銷其他較貴價嘅海鮮菜式，白種元一開始拒絕：「我沒錢了！」老闆就同白種元講：「你看起來像個成功的商人。」白種元之後製作團隊講：「蟹是財富的象徵，我看起來像有很多錢嗎？」現場嘅人都附和話佢的確似好有錢，仲大笑起嚟。

白種元見到海鮮送到之後，就好有老闆風範咁講：「今天我要讓這家店的營業額上升！」。製作團隊成員驚佢太破費，佢就話：「我就試試看花大錢的感覺吧」，顯然已有所準備。

白種元解釋最初拒絕點海鮮嘅原因：「在香港，海鮮是招待客人的高檔菜餚，所以價格很高。因此，餐費會貴個三、四倍」。不過佢就高度讚揚今次嘅食物：「只要嚐一下調料，就可以知道廚師的手藝。這位廚師的手藝非常好，他是隱藏的高手」。最後白種元與團隊的總飲食費用為4000港元。白種元最後講笑：「明天我們就吃漢堡吧……」

有人質疑白種元被劏，埋單要$4000太貴，不過就被其他網民反駁：「平時唔出街食飯？咁多嘢食又有海鮮，你去海南島$40000都落唔到樓」、「算良心價，仲要咁多酒水」、「真係差唔多，去流浮山一定唔止呢個價」就連韓國網友都表示覺得算合理：「我還以爲這樣下去會花100萬韓元呢！原來還沒到那程度，聚餐的氣氛很好，還吃了好吃的，餐廳老闆也很有趣，看得很開心。 」，佢哋都將重點放喺白種元嘅豪氣上面：「明明知道被坑，卻不會皺點眉頭，反而和團隊一起享受晚餐的悠閒......太帥了！」、「嗚哇......白代表對團隊別的不說，但是能讓大家吃飽飯的人。」

圖片來源：YouTube截圖