TVB節目巡禮丨陳家樂右眼極速痊癒被禁運動 狂呻頂唔順雙頰肥腫

陳家樂和陳曉華（Hera）今日出席TVB節目巡禮，早前踢波不慎撞傷右眼，以致眼球出血的家樂，透露眼睛近日極速康復，並特別感謝陳太連詩雅（Shiga）的悉心照顧，他稱：「本身今日都未可以除太陽眼鏡做嘢，但呢個星期突然好得好快，醫生都話比預期快咗，但都要好小心，仲未做得運動。」

同場加映：黃光亮視黃霑為榜樣夜店下跪拜師 人生閱歷豐富 半退休學笑看風雲

{{hket:ul-video id="8483"}}{{/hket:ul-video}}

{{hket:inline-image name="DSC_8905.JPG"}}{{/hket:inline-image}}

{{hket:inline-image name="DSC_8947.JPG"}}{{/hket:inline-image}}

家樂又笑言：「我照鏡時都頂唔順自己個樣，塊面好腫，又唔可以做運動。（陳太頂得順就得？）我嘅市場唔淨係靠佢。」為避免做運動令眼球再次充血，家樂將電影要補拍的動物部份延期，而養傷期間，最幸福是可以品嚐到太太的住家飯，家樂表示：「真係估唔到佢咁有天份，不過啲餸只有我食，佢唔食㗎，佢好似啄木鳥咁啄嚟食，但佢想我食得健康啲，所以自己煮。」

{{hket:inline-image name="DSC_8910.jpg"}}{{/hket:inline-image}}

身旁的Hera指家樂於拍劇時身子已很弱，家樂聞言笑稱：「因為要就曉華啲期，捱壞咗。」兩人合作的《異空感應》成為重點推介劇集，Hera表示：「套劇有好多刺激場口，仲好刻骨銘心，其中一場我哋喺幾度天氣下跳河玩急流，拍咗兩日。」提到今年將重辦《國際中華小姐競選》，Hera開心表示：「好開心，我每年都寫卸任感言，可能會一次過讀晒4年感言，今年終於可以卸任，應該得我一個咁長壽。」

{{hket:inline-image name="DSC_8902.JPG"}}{{/hket:inline-image}}

採訪：黃寶蓮

攝影：林良明

撰文：倪小珊