胡慧沖粉絲見面會星光熠熠 睇蔡楓華演唱會勾起童年回憶

「泰國通」胡慧沖今日舉辦粉絲見面會，吸引大批忠實粉絲捧場，更有人興奮舉住燈牌尖叫，非常熱情。胡慧沖的拍檔「冬蔭妹」、好友陳志雲、謝雪心、葉文輝（啤梨）等都有出席支持，星光熠熠。上月底在泰國接受「通波仔」手術，術後的胡慧沖精神奕奕，主動向大家報平安兼報喜，原來拍檔「冬蔭妹」懷孕4個月，雖然不太見到孕肚，不過她都不時撫摸腹部，「冬蔭妹」揚言希望兩年抱兩，盡快湊夠一個「好」字生一男一女。

同場加映：港姐首輪面試學歷同年齡偏高 一片睇晒今屆參選佳麗質素

{{hket:ul-video id="8430"}}{{/hket:ul-video}}

泰國醫療｜泰國醫院通波仔埋單$6萬有找 胡慧沖分享泰醫療體驗：如住酒店【下一頁】

{{hket:inline-image name="40a70d3d-6d90-4c0d-90ce-52843e161dd5.jpg"}}{{/hket:inline-image}}

{{hket:inline-image name="6b65ccc5-d831-44aa-8f6d-f055ad849eed.jpg"}}{{/hket:inline-image}}

{{hket:inline-image name="dbbec1aa-7e88-4772-9009-21e240d04b56.jpg"}}{{/hket:inline-image}}

胡慧沖表示：「今日好感動，好多粉絲支持同圈內朋友支持，真係估唔到咁多人參加，今次返香港其實都好忙，除咗同泰國商務領事見面同推廣之餘，又去咗國際旅遊展為泰國宣傳，不過最開心當然係睇咗蔡楓華演唱會。蔡楓華絕對係我童年回憶，佢嘅歌曲陪伴我人生每一個不同階段，所以親身再聽番佢啲歌，真係有好多感觸！」

謝雪心、陳志雲和啤梨都是座上客，他們對胡慧沖這位朋友都讚不絕口，謝雪心表示：「佢有佢毅力，當時喺亞視年代認識，佢成日星期五、六、日就走去泰國，所以先咁熟悉當地文化，後來出書到而家電子拍攝，睇住佢真係做出佢自己獨特品牌！」心姐表示早前飛去泰國華欣旅遊，都不忘打電話給胡慧沖，對方帶她四圍玩享用美食，非常開心。

至於陳志雲表示跟胡慧沖基本上工作沒有碰頭過，只是有個共同朋友，不過每逢去泰國就一定會諗起胡慧沖，他表示：「有一次去泰國，好想去一間餐廳食印度加意大利FUSION菜，基本上你一星期前去預約係冇可能訂到，因為太受歡迎，但胡慧沖就幫我訂到，搞掂晒，嗰一餐食咗4個鐘頭，好食到不得了！之後我都有追睇胡慧沖啲節目，佢扮胡慧妹實在太出色喇！」兩人寄語希望胡慧沖好好保重身體，繼續享受和追尋喜愛的事物，為港人爭光。

血管栓塞｜為工作常暴食致塞血管通波仔 胡慧沖親述術後需禁食還債【下一頁】

{{hket:inline-image name="353051474_10159839277534039_1969939416749738586_n.jpg"}}{{/hket:inline-image}}

至於啤梨坦言自己是胡慧沖的粉絲，每當香港工作太忙連飛都飛唔到，就全靠睇胡慧沖嘅片「吊命」止一止旅遊癮，「其實佢有上我節目傾偈，我發現佢係性情中人，非常之感性，其實我同佢都係，所以每次聽佢真誠剖白，我都好感觸，兩個人之間友誼就係咁無形建立咗！」

{{hket:inline-image name="352499335_577761044497995_7040307540523308456_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組