Sammi全家支持許志安八哥參加《好聲音2》 開腔激讚：佢唱歌音準好有天份

鄭秀文（Sammi）和韓劇《社內相親》男星安孝燮今晚到尖沙咀出席品牌開幕活動，上月中確診的Sammi，康復後首次出席公開活動，但受到新冠後遺症影響，聲音變得沙啞。

同場加映：中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

{{hket:inline-image name="DSC_8299.JPG"}}{{/hket:inline-image}}

將於下月舉行紅館個唱的她，坦言曾擔心到睡不著，更以中西合壁及艾灸醫治聲線，Sammi稱：「我咩養聲方法都試過，但都有啲陰影，因為有一年演唱會又係開騷就沙聲，所以個陰霾好大，依家要先放低個擔心先，做到幾多就幾多。」Sammi指自己第一次中招，而且症狀十分犀利，連續發了三日燒及失去味覺。

{{hket:inline-image name="DSC_8289.JPG"}}{{/hket:inline-image}}

問她可有留意許志安八哥許志偉面試《中年好聲音2》？Sammi坦言全家人都十分支持八哥，「我哋報紙出咗，親戚通知我哋先知道佢參加，事前完全唔知。」Sammi又特別解釋安仔因要照顧病床上的自己，才錯失了八哥的來電，她稱：「我有幾晚咳到爭啲入院，好辛苦，千年哮喘出埋嚟，好手忙腳亂，所以miss咗個call，平時佢哋傾好耐電話，仲入房情意棉棉傾好耐，安仔同呢個哥哥感情好好，我嫁咗入去最清楚佢哋家庭關係，知道佢參加咗好開心，好難得，我自己都15歲追夢，好明白呢個追夢心情。」

{{hket:inline-image name="409833d3-8654-492a-a6cd-7d9dcfc6f21c.jpg"}}{{/hket:inline-image}}

八哥入了圍自薦做評審？「我唔會喎，我唔會偏心，所有參賽者應該抱住輕鬆追夢心情，享受個舞台。（佢唱歌唱成點？）成家人唱歌音準都好好，好有天份。」

{{hket:inline-image name="DSC_8035.JPG"}}{{/hket:inline-image}}

安孝燮戴上頸鍊及兩隻戒指現身，總值逾200萬港元。他與司儀對談時，透露過往曾為工作訪港：「今日香港天氣陰沉，但我嚟到呢度好開心。（有甚麼說話對香港粉絲講？）好掛住香港粉絲，始終疫情下三年無見大家，今次嚟到香港見到好多粉絲，覺得好開心、好幸福。」問及稍後的工作計劃，他回應：「我三年無見過各地粉絲，10月亦會再嚟香港跟大家見面！」安孝燮臨走時更以國語講「謝謝」，表現親民。

{{hket:inline-image name="DSC_8012.JPG"}}{{/hket:inline-image}}

撰文：倪小珊

採訪：黃寶蓮

攝影：林良明