周遊關西丨周奕瑋介紹私房貼地景點勁吸引 晚晚開OT覆網友「售後服務」獲激讚

日本是香港人最愛的旅遊熱點，不少港人形容去日本旅行為「返鄉下」，要製作一個滿足港人的日本旅遊節目絕對不容易。周奕瑋（Jarvis）主持的《周遊關西》一連三晚在翡翠台播出，首兩集帶觀眾遊覽和歌山，更罕有地以長途巴士路線介紹較少遊客認識的秘景，貼地之餘亦充滿新鮮感，吸引不少觀眾追看。網友們大讚他的主持風格樸實，行程安排新穎，最為之激讚是他的「售後服務」。

同場加映：

港姐首輪面試學歷同年齡偏高 一片睇晒今屆參選佳麗質素

{{hket:ul-video id="8430"}}{{/hket:ul-video}}

周奕瑋對「日本通」感壓力狂追資訊 克服致命傷：童顏矮小但我有能力【下一頁】

{{hket:inline-image name="353883542_973841267290654_1000336166074589861_n.jpg"}}{{/hket:inline-image}}

{{hket:inline-image name="353878635_193996166947790_4726127177157579993_n.jpg"}}{{/hket:inline-image}}

Jarvis好著緊自己的節目反應，每晚都上網分享該集的景點資料，就算有晚相約好友麥美恩、許文軒一齊食飯，也不忘一邊食飯一邊睇節目，非常用心。而所謂的「售後服務」是Jarvis分享資料不特止，還會逐一回覆網友對景點或者路線的查詢，令網友不得不愛上這位細心的旅遊達人，表示︰「勁鍾意你介紹，多謝你」、「太過分啦，整集都在吃吃吃，每一樣都超級好食咁，大半夜睇完叫人點瞓喎」、「其實咁多新境點，你點做資料搜集」、「好鍾意你主持嘅《周遊》系列呀！繼續努力，去多啲唔同地方，介紹畀我哋啦」等等。

Jarvis接受《晴報》電話訪問，他表示：「真係好多謝大家嘅支持，隔咗好幾年再做，再加上今次模式同之前稍為有啲改變，加咗啲新嘗試，例如會去一啲唔係大城市嘅地方，嘗試深度遊，都有啲擔心反應嘅，而家觀眾都好鍾意，好多謝大家支持，鬆一口氣。」在節目中，Jarvis放下形象連在長途巴士上忍尿忍到面青的畫面都照出街，而且不斷搞爛Gag，「最衰係我哋冇Book到『停風』過嚟呀！Book到『停風』咪冇事囉」、「呢個島地圖搵唔到嘅，到底有冇呢個島？有，因為佢叫『友』島」等等。

{{hket:inline-image name="jar3.jpg"}}{{/hket:inline-image}}

{{hket:inline-image name="jar4.jpg"}}{{/hket:inline-image}}

{{hket:inline-image name="jar7.jpg"}}{{/hket:inline-image}}

不過Jarvis就慘被觀眾投訴，夜媽媽「放毒」，見到他在日本食海鮮、甜品、燒肉等等大快朵頤，搞到觀眾都想食宵夜，Jarvis笑言：「每次一有關於食嘅介紹，大家都話我好殘忍，深夜放毒！如果冇嘢食嘅時候，大家又嫌唔夠精彩，所以都幾矛盾。早兩日...我知嗰集特別多食，都提醒大家可以買定宵夜，一邊睇一邊食，下星期仲有呢啲邊食邊睇嘅機會㗎，哈哈！」

請1日假去旅行丨周奕瑋陳嘉慧浪漫同遊東京 CP感高互動甜蜜拍出真感情？【下一頁】

Jarvis每晚都耐心回覆網友的提問，他表示：「其實我都唔知嗰啲算唔算係售後服務喇，每晚做完節目嗰兩三個鐘，我都會不斷Refresh自己Page ，盡量解答大家嘅問題，希望你哋鍾意呢個節目，睇得投入。我覺得自己好似坐咗喺一個虛擬詢問處，等大家問問題咁，希望你哋欣賞我OT，Keep住睇節目啦！」他表示除了查詢以外，還有不少網友的鼓勵留言，大感窩心。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組