隱門｜阮浩棕興奮與吳岱融演父子 打醒十二分精神同「老竇」過招

《隱門》播出以來一直備受關注的大奸角葉嘯天（吳岱融 飾），本周初強勢回歸，他得到越南同鄉兼黑幫大佬Pho哥（杜燕歌 飾）「科水」，天哥賊王變闊佬，買逾廿萬衫褲送贈女兒心月（黃智雯 飾）及兒子逸風（阮浩棕 飾），更斥資入股逸風公司；逸風不領情，天哥提出以飛車定勝負，決定合作與否，最終逸風在父親使詐下輸掉比賽。天哥入股兒子的公司，逸風則豁出去趁機搜集對方謀殺姐夫Mike（黃子恆 飾）的證據……

同場加映：

中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

昨晚一集，無論是天哥與逸風飛車，或是天哥教訓逸風均十分精彩，飛車場面氣氛緊張，海嘯式「天哥金句」亦句句啜核。天哥在昨晚的表現，顛覆觀眾對「父親」的傳統認知，他竟誘導阿仔吸毒，期間大講歪理派金句：「唔想畀人隊冧，首先就要隊冧人」、「呢個世界贏就天下無敵，輸就即刻乞食」；「我幾錫你家姐呀！佢老公奶奶咁蝦佢，我幫佢出頭，佢都冇多謝我」、「我有咗錢梗係想個仔風風光光」。面對歪理度直逼丁蟹的葉嘯天，逸風不但零畏懼，一有機會便作出有力「反擊」，令強如天哥亦屢感尷尬！

{{hket:inline-image name="986.jpg"}}{{/hket:inline-image}}

今次戲份比《隱形戰隊》還要多的阮浩棕，自出場以來屢獲好評，獲不少觀眾讚靚仔兼演技自然。談到與「人見人怕」的吳岱融演父子，阮浩棕是興奮多於緊張，表示：「對岱融哥最深嘅印象係高天鷲（《巨輪II》奸角），睇劇本時我就知道葉嘯天會更加犀利，好期待見到岱融哥點處理角色。」隨著劇情發展，逸風與天岱融哥「抗衡」，阮浩棕說要「打醒十二分精神」，「岱融哥私底下係一個好nice好好玩嘅前輩。同岱融哥對戲係好好玩同刺激，佢會喺劇本入面搵到好多意想不到嘅地方去演繹，作為後輩除咗學習佢嘅處理方法，更加要無時無刻做好準備，同佢即場『過招』。」

{{hket:inline-image name="154.jpg"}}{{/hket:inline-image}}

談到昨晚的飛車一幕，阮浩棕笑言看畢也覺得很精彩，「成場戲咁好睇係導演、特技車組同埋後期製作嘅功勞。其實我揸車嘅場面全部都係喺綠佈景前拍嘅。《隱門》入面我有大量揸車戲份，為咗唔好令觀眾太出戲，同埋坐喺駕駛席扮揸車扮得似啲，我拍劇前有去學車。」

隱形戰隊 X EU超時任務｜阮浩棕「鏗少」演技被讚保持謙厚 不敢重溫與嫲嫲梁舜燕同框劇【下一頁】

撰文：娛樂組