痞子無間道丨陳瀅爆朱敏瀚愈拍愈肥唧肥膏 一個原因唔再拍第三輯

陳瀅和朱敏瀚（朱仔）今晚出席《痞子無間道》劇組收工飯，穿上黑色皮褸的陳瀅，直言可以抵禦高溫，「我發覺依家唔係超過35度，唔係著兩件衫，我應該唔會出汗，今日著皮褸，我係會凍㗎！」

同場加映：港姐首輪面試學歷同年齡偏高 一片睇晒今屆參選佳麗質素

{{hket:ul-video id="8430"}}{{/hket:ul-video}}

{{hket:inline-image name="101.jpg"}}{{/hket:inline-image}}

身形明顯消瘦的陳瀅，透露拍攝《痞》劇最後兩個禮拜都是外景，而且有不少打鬥及吊威吔鏡頭，大量出汗下愈拍愈瘦，她稱：「上一輯愈拍愈肥，我同JW（王灝兒）每人重咗5磅，今輯就瘦咗，反而兩個男仔周嘉諾同朱敏瀚肥晒，仲有個肚腩，之前見朱仔條皮帶上下都有肉唧出嚟。」朱仔笑指：「開心嘛，拍晒除衫戲係咁食。」

{{hket:inline-image name="DSC_7611.JPG"}}{{/hket:inline-image}}

問兩人是否想拍第三輯？陳瀅竟表示：「唔想，今次個故事都幾圓滿，古裝要有充足嘅時間準備好多嘢，是但一個準備唔夠都會好辛苦。」另外，今個月尾4位主角將飛到清邁拍攝旅遊真人騷，陳瀅坦言不介意泳裝上陣，她笑指：「JW著我就著，講咗好耐一齊去旅行，但一直都冇機會，今次可以拍真人騷幾有趣，好多人都鍾意睇我哋互動，畀我哋最真實嘅一面大家睇，我都幾期待。」

{{hket:inline-image name="DSC_7584.JPG"}}{{/hket:inline-image}}

不過，朱仔卻自爆和JW為真人騷開會時吵架，「佢投訴我啲態度唔好，大家唔似上一輯，依家老夫老妻咗多拗撬，但我哋會攞問題攤返出嚟講，惟一希望去完旅行返嚟仲係好朋友。」

撰文：倪小珊

採訪：黃寶蓮

攝影：林良明