痞子無間道丨周嘉諾帶一箱底褲赴清邁拍真人騷 拒穿三角泳褲：一件頭都未必得

周嘉諾今晚出席《痞子無間道》劇組收工飯，早前為角色增肥14磅的他，直言因夏天多流汗，身形已經消瘦不少。

同場加映：中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

{{hket:inline-image name="DSC_7613.JPG"}}{{/hket:inline-image}}

嘉諾稍後會與陳瀅、王灝兒（JW）及朱敏瀚（朱仔）到清邁拍攝旅遊真人騷，問嘉諾會否穿泳褲上陣？他表示：「未有消息，未去過唔知。我好少去旅行，個人好踏實。（三角泳褲呢？）梗係唔得啦，三角泳褲邊啱我玩，一件頭都未必得，我個人保守啲。（怕唔怕去完旅行同佢哋冇朋友做？）我咁大量，點會同人嗌交，佢哋嗌交我驚啲，我最多遲過啲女仔，會爛瞓，個人懶惰。（少出門係咪好緊張？）帶多幾條底褲囉，不過我都唔知去幾多日，淨係拎一箱底褲過去囉！」

{{hket:inline-image name="DSC_7668.JPG"}}{{/hket:inline-image}}

提到楊明、莊思明和曹永廉相繼加入《愛·回家之開心速遞》，嘉諾表示：「勁喎，愈做愈大。（你會返去？）暫時未收到消息，一切隨風。（係咪已經踢咗你出局？）我諗好大機會，如果佢哋嘅勢頭咁強勁，絕對唔需要我存在，但我幾時都想返屋企玩。」

撰文：倪小珊

採訪：黃寶蓮

攝影：林良明