别叫我賭神丨周潤發宣傳新片妙語連珠 狂寸靚靚：佢跑商場多過跑步

周潤發、袁詠儀（靚靚）和柯煒林（Will）今日到中環出席新片《别叫我〝賭神〞》宣傳活動，發哥表示繼《阿郎的故事》和《秋天的童話》，已很久沒有拍文藝片，而今次拍攝這部電影十分難能可貴，「有人畀呢個劇本自己，加上有袁小姐，梗係『𦧲飯應』，影后喎，幾廿年都咁後生咁靚，佢係『袁晶晶』嘛！」

同場加映：港姐首輪面試學歷同年齡偏高 一片睇晒今屆參選佳麗質素

{{hket:ul-video id="8430"}}{{/hket:ul-video}}

{{hket:inline-image name="DSC_6986.JPG"}}{{/hket:inline-image}}

{{hket:inline-image name="DSC_7071.JPG"}}{{/hket:inline-image}}

靚靚則表示：「發哥喎，我直頭嘔凸啦，搵我嗰日啱啱喺飛機上放緊行李，我連老公（張智霖）都唔敢講，因為都未知係咪事實。」發哥踢爆在片場被靚靚點到暈，Will就表示與兩位影帝影后級前輩合作既難得又緊張，發哥在這一年來每日都做人肉鬧鐘，朝早六點駕車接他一同去跑步，又帶他品嚐美食，再送他回家。

{{hket:inline-image name="DSC_7220.JPG"}}{{/hket:inline-image}}

{{hket:inline-image name="DSC_7246.JPG"}}{{/hket:inline-image}}

發哥日前到上海宣傳電影時，每朝早都會到黃埔外灘跑步，就算不用開工的日子，每天都會跑步，問到靚靚和Will可有一齊跑？發哥一臉嫌棄表示：「佢哋嘥氣啦，算吧啦！Will套戲完咗就冇跑，靚靚跑過一次。」靚靚解釋：「所有嘢都要試吓，適唔適合要試過先知。」發哥忍不住寸她：「佢跑商場比較多，跑網絡世界shopping多啲。」搞到靚靚一臉尷尬。

{{hket:inline-image name="DSC_7186.JPG"}}{{/hket:inline-image}}

{{hket:inline-image name="DSC_7303.JPG"}}{{/hket:inline-image}}

靚靚和發哥首次合作便飾演情侶，她坦言這是一個很難忘的經歷，「亦都好似圓夢咁，追到自己呢粒偶像，好開心。」發哥即透露：「阿靚選香港小姐嘅時候，當晚我做評判嘅，但我無投畀佢，所以我唔敢見佢，直至唔好彩畀佢撞到我.....不過佢咁靚女，唔選你選邊個。」

{{hket:inline-image name="DSC_7123.JPG"}}{{/hket:inline-image}}

發哥在戲中經營髮型屋，他特別為電影苦練「髮功」，「有髮型師教我剪頭髮，但一近鏡就畀佢，我手騰腳震㗎嘛！（有人做白老鼠畀你剪？）梗係有啦，畀幾個假髮我慢慢學剪，但去到現場都係唔得，學咗幾個月，驚剪到自己隻手，頭髮生得番，剪到手生唔番。」發哥笑指因劇本及靚靚關係故請到他「出山」，又笑指想開拍一部喜劇叫「兩人瘋癲」，由他和靚靚做男女主角，「我要同阿靚死過，睇吓佢死定我死。」靚靚即高呼：「我萬眾期待！」旁邊的Will坦言看到兩位前輩鬥嘴時不敢搭嘴，發哥聞言笑指：「唔夠膽會死得好慘！」

{{hket:inline-image name="DSC_7327.JPG"}}{{/hket:inline-image}}

靚靚突然一臉認真，指發哥的說話都是道理，令她心服口服，但發哥卻稱：「架機cut咗咪又係鬧到我隻狗咁，你唔好當我係Chilam（張智霖），佢畀你蝦，我唔會畀你蝦㗎！」

{{hket:inline-image name="DSC_7283.JPG"}}{{/hket:inline-image}}

撰文：倪小珊

採訪：黃寶蓮

攝影：林良明