Do姐罕有大開金口唱日文歌 林家謙伴奏：幫你入紙紅館

鄭裕玲（Do姐）與林家謙正在日本為HOY TV拍攝旅遊節目，數日來後者在社交平台po出與Do姐的互動片段，火花十足。今日林家謙更po出與Do姐Jam歌的片段，家謙一邊彈Ukulele，而Do姐則難得開金口唱歌，令網友相當驚喜！

同場加映：中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

片中Do姐說：「既然嚟到日本，唱番幾句日文歌呢？」家謙話好，隨即彈Ukulele，而Do姐就唱了幾句坂本九名曲《上を向いて步こう》（Sukiyaki），相當難得。她唱完後更問家謙：「我唱得O唔OK？」家謙指：「我幫你入紙紅館！」

{{hket:inline-image name="352868907_599278978974941_7929414977083959208_n.jpg"}}{{/hket:inline-image}}

而不少網友聽畢都表示好驚喜，更指近年來很少聽到Do姐的歌聲，連她上次去紅館做鄭欣宜演唱會的嘉賓都沒有唱歌。網友留言：「聽Do姐唱歌最記得係《表姐你好嘢！》（金先生300朱小姐700…）估唔到可以再聽到仲要係日文歌！」、「Do姐唱得好好聽！不如在紅館開棟篤唱吖，傾吓偈唱吓歌，家謙可以幫你和音、伴奏與搞gag！」、「好好聽！！究竟世界上有無嘢係難到Do姐」、「可唔可以聽你哋合唱《問誰領風騷》？」、「Do姐好勁呀！又話唱歌唔掂，呃人嘅！」

{{hket:inline-image name="352880679_178811628478763_4421999227114844192_n.jpg"}}{{/hket:inline-image}}

家謙是Do姐旅遊節目中請的最後一位嘉賓，他早在出發前已預告會被Do姐鬧，而同是處女座的兩人更是火花十足。早前家謙在社交平台Po合照，留言：「歡迎『第五位嘉賓』Do姐」，隨即被Do姐「鬧」：「你先至係第五位嘉賓呀！莊閒不分！」

之後兩人又上演小劇場，家謙捉Do姐「偷嘢」，被後者嘲「Mean謙」。片中的家謙發覺他的Blu-ray少了一張，然後在Do姐背囊內搵到。他直指Do姐偷他的碟，而Do姐又「鬧」他，「邊個偷你隻碟，你隻碟自己行落我個袋度。」更順勢將他整套碟搶來，據為己有。家謙指Do姐「偷嘢唔啱」，怎料Do姐表示：「你唔好咁mean，唔怪得之人哋叫你做Mean謙啦！」家謙之後留言指「以為Do姐是個好人」；Do姐則表示：「我要罰你跳鈣質舞！」

口水多過浪花丨鄭裕玲爆曾揚言賺夠100萬停拍戲 郭富城：你睇我哋嗰陣時幾坎坷【下一頁】

撰文：娛樂組