陳卓賢30歲生日抱恙在家躺平 自爆影響「持久力」：大家唔使擔心

MIRROR成員陳卓賢（Ian）今日現身尖沙咀出席品牌活動，數百「Hellosss」（粉絲暱稱）到場應援，日前（9日）病住度過30歲生日的Ian，自爆因患咽喉炎而影響持久力，令人有所聯想。

同場加映：中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

{{hket:inline-image name="DSC_6315.JPG"}}{{/hket:inline-image}}

Ian受訪時透露是因為上呼吸道感染引致咽喉炎，醫生說他可能休息不夠，放下工作休息幾日後，現時身體已好了很多，「其實我前一日仲未認到自己把聲，仲擔心點算，好彩今日終於變番自己把聲。不過持久力就差咗，係指寫歌方面，大家唔使擔心！」原本工作中度過生日，Ian指因為生病緣故，生日當天全日「躺平」，他笑言：「雞髀（愛犬）最開心，因為我病嘅時候可以陪住佢。」

{{hket:inline-image name="DSC_6351.JPG"}}{{/hket:inline-image}}

問到會否補祝生日？Ian直言適逢媽媽生日及父親節將至，屆時將會一齊慶祝，並透露已為父母準備好禮物，「暫時唔透露係咩，因為佢哋追我新聞都追得好貼，如果講咗就無驚喜。（折現？）經常都會，折現外仲會加多份禮物。不過做仔嘅都係偏心媽咪，成日送禮物畀佢，所以揀禮物都好頭痛，但爸爸就好少買，所以好易諗到。（送個女友畀媽咪？）媽咪未有要求，等他朝一日佢出聲先再諗，相信佢都想我工作為重，注意休息和飲食，我嘅健康係佢最關心。」

{{hket:inline-image name="DSC_6416.JPG"}}{{/hket:inline-image}}

經常生病的他會否叫公司稍為調整工作？Ian自覺近半年身體狀況大不如前，笑問他是否財多身子弱？他笑言：「唔係啦！可能之前拍《冰上火花》經常忽冷忽熱累積落嚟，依家就發晒出嚟，我有信心之後唔會病。」 Ian自信以前是運動員，所以較少病，但今次終於一嘗發高燒滋味，他搞笑說：「我都唔知燒到幾多度，我屋企冇任何關於數字嘅物件，睇時間都係靠手機，不過今次真係還咗一個好大嘅健康債。」

撰文：倪小珊

採訪：黃寶蓮

攝影：林良明