好人好事︳送輪椅母回護老院 7旬伯伯不捨媽媽對話感人 的士司機：真係好孝順

孝順父母到老實屬難得。一名的士司機日前分享一則溫情故事，指遇上一名7旬伯伯帶同坐輪椅的母親乘車，乘車途中伯伯一直叮囑母親，又表示日後會帶母親飲茶行街，令司機感動稱：「真係好孝順同好sweet（甜蜜）。」到埗後，伯伯更堅持多付20元貼士，以答謝司機幫忙搬輪椅及沒有拒載的行為。

同場加映：

Healthy Life｜下身肥胖要著長衫遮patpat？ 2個瑜伽動作KO臀部贅肉

{{hket:ul-video id="8385"}}{{/hket:ul-video}}

該名司機在Facebook群組「的士司機資訊網 Taxi」發文，指日前在柴灣高威閣落客不久後，就見到一名伯伯揮手截車，對方表示在康翠臺候車多時無果，故推著坐輪椅的母親到路口等車。司機協助二人上車及擺好輪椅後詢問伯伯目的地，「我問佢係咪去東區醫院，佢即刻口窒窒話唔係，其實係去九龍塘護理院」。伯伯擔心司機因要過海而拒載，提出加車費，不過司機就一口拒絕。

司機在車程中留意二人對話，他指伯伯一直叮囑母親，「如果護理院嘅姑娘對佢唔好，就一定要同佢講」；經過九龍灣MegaBox商場對出天橋時，又對母親表示日後會帶她飲茶行街，令司機不禁感慨表示：「真係好孝順同好sweet，阿伯都起碼70幾。」

司機又指，伯伯雙手一直戴著手套，「佢就係唔想佢阿媽會有小小可能感染到細菌，真係諗得好周到。」到埗後，車費連隧道費共200元，伯伯就堅持多付20元「貼士」，以答謝司機幫忙搬輪椅及沒有拒載的行為。司機最終接受，又拍下照片稱：

「真係多謝晒，講緊都係13-14分鐘嘅事。」

網民讚好人好事

帖文引起討論，不少網民都大讚司機的行為，「好人好事！」、「老人照顧老人真係好多無奈，但多謝的士哥哥大愛。我唔係揸的士，但相信行行都有好人壞人，願好人一生平安，身體健康」；亦有同行留言表示：「小露寶（的士型號）上輪椅真心大陣仗，全部凳都要郁」，對此司機就回應：「幫到人就盡量幫人啦。」

對於網民疑問為何收取伯伯錢，司機回應指：「你唔了解老人家，老人家一定要你收錢㗎！」

好人好事｜義工帶孤兒遊迪士尼 回程車上深情道別 的士司機被感動拒收車資，詳情即睇【下一頁】

U Lifestyle App睇盡《晴報》新聞資訊及自家節目
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂

撰文：陳潔雯