李婉華自詡演藝學院出身否認戲屎 狂寸王晶搵自己做noise：希望佢積吓口德

近年定居加拿大的李婉華，日前與19歲大女Natalie一同返港，她指今次除了處理私務外，亦會為個人YouTube頻道拍攝香港美食，而此行更會相約老朋友黃秋生、黃貽興、名模陳嘉容及堪輿學家楊天命等敘舊；身為「鏡粉」的婉華笑言恨見姜濤和Anson Lo，但就不好意思打擾MIRROR經理人花姐。

同場加映：中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

{{hket:inline-image name="a07a3bad-fe7c-4b00-a33b-0b98b53585a2.jpg"}}{{/hket:inline-image}}

婉華日前因批評TVB劇集《一舞傾城》劇情教壞細路，而跟該劇製作人王晶掀起罵戰。婉華今日與傳媒茶聚，育有一女兩子的她，強調自己是以觀眾和家長心態去評論，又澄清當時並不知道誰是該劇監製，「我自己有個女，睇完好唔舒服，因為講緊出賣肉體嘅嘢，做家長都希望大家道德上謹守一啲原則，雖然每個人價值觀唔一樣，但我有我堅持。」

{{hket:inline-image name="fdbcbaa9-1360-4d2c-b2ed-82eb7ebcf3a9.jpg"}}{{/hket:inline-image}}

她直言沒有為言論掀起罵戰而後悔，「後悔嗰個就唔係我，我對事唔對人，有個編劇係林子博朋友，佢都有打電話畀子博，話多謝我嘅意見，佢肯接受意見同謙虛，我覺得好感動，我只係分享感受，估唔到會惹嚟批評，我覺得佢（王晶）有啲借呢件事去發酵，好似想分化社會，想發動人攻擊，社會要和諧，愛香港就希望香港好，唔好搞分化。」

{{hket:inline-image name="344906af-f288-4a80-8c52-1dae3550b47e.jpg"}}{{/hket:inline-image}}

王晶曾回嗆婉華「那麼有道德就教好你的加拿大女兒，守住處女到40歲」，婉華表示：「佢（王晶）都好似有個女，希望佢積吓口德，唔知佢係咪想搵自己做noise，如果佢想自己嘅作品繼續受歡迎，自己嘅行為都好緊要。」對於王晶批評她是TVB的「屎戲之王」，又自爆曾將她的戲份刪掉一半，婉華淡然表示：「我對自己係演藝學生感到驕傲，演技派未必係佢喜歡嗰一種類型，佢以前都講過演藝學院唔適合拍電影，佢講咩都唔緊要，佢始終都係年紀大，老人家唔記得喇，我唔會嬲。」

{{hket:inline-image name="ccebab2cc292e09938eac86778e6320c.jpg"}}{{/hket:inline-image}}

問婉華可有後悔以往拍攝誘惑題材作品？她指：「作品變咗三級女星梗係後悔，但當時有工開就開心，到你埋位就另一件事，拍嘅時候會叫你性感啲，但傾嗰陣就唔係咁，嗰時唔會有人出聲，邊個夠膽出聲？我依家就出聲喇！」

撰文、攝影：倪小珊