中年好聲音丨屯門娜娜再現海選排隊再接再厲？ 52歲顏仟汶39歲黃劍文報名參賽【內附周吉佩十招教路】

今日（11日）是《中年好聲音2》海選的大日子，TVB繼續安排第一輯的四位評判Maria Cordero（肥媽）、伍仲衡、張佳添及周國豐為參賽者進行面試，而導師韋綺珊及音樂人劉易昇都會參與其中。至於《中年好聲音》第一屆的師兄師姐們都會亮相，為大家打氣，吳大強、羅啟豪、曹敏寶、梁浩銓、馮志豪、李思林等都會現身。冠軍人馬周吉佩今日有工作在身，未能參與海選，不過他事前拍片提醒參賽者海選的十大注意事項，非常有心。

同場加映：中年好聲音丨李佳從小認定唱歌能醫百病 感恩學生支撐捱過疫情低潮

{{hket:ul-video id="8422"}}{{/hket:ul-video}}

「屯門娜娜」忍受網絡欺凌5年患抑鬱 老公被批「重口味」：鹹魚青菜各有所愛【下一頁】

{{hket:inline-image name="d70644e4-1cdd-4f58-b2f7-97313bc88d84.jpg"}}{{/hket:inline-image}}

{{hket:inline-image name="9ec862a6-0aca-4d73-821e-46436560978d.jpg"}}{{/hket:inline-image}}

在門口排隊的人龍中，驚見不少熟悉的面孔，其中「屯門娜娜」董幸兒再次現身海選，原來今次她是以經理人身分陪同老公Dick Cheung參賽，Dick揚言事前特別染一頭紫灰髮色，重本打造形象參加，他表示：「之前我陪佢，而家佢陪我，做我經理人，我本身唱歌一般般，練咗好耐，不過都係好緊張。」娜娜表示鼓勵丈夫放鬆少少，一定支持他！

黃劍文準備結他到場，他受訪時表示：「準備自彈自唱《新不了情》和《我代你哭》兩首歌，參賽係想把握任何一個機會，夢想都係想有個好平台去發揮，比賽咗好多次，睇自己有冇更多進步空間，仲有團火就嚟啦！」52歲的顏仟汶在《一舞傾城》中飾演「媽媽生」Many姐，非常風騷入骨，沒想到今次參加《中年好聲音》原來有一個歌唱夢，她表示：「好大勇氣呀都，今次會唱《蔓珠莎華》，其實我未入行之前參加過三次新秀歌唱比賽，我鍾意唱歌，不過唱得好唔好唔係自己講，我都花好大勇氣去報名，希望等我人生更加豐富啲！（想比賽得到咩？）我想享受，有時網友話我被演員耽誤嘅歌手，怕網友係盲撐，所以嚟試試，有夢想先有好人生！其實我好緊張，因為同我自己本身工作好唔同，拍戲可以NG，唱歌冇，不過抱平常心當新手咁樣一齊享受個過程，好似返番15歲個感覺。中年仲唔試下咩？」

中年好聲音丨周吉佩素顏彈結他唱歌自揭瘡疤 壞習慣連吳大強都睇唔過眼話佢【下一頁】

周吉佩在YouTube中透露由於海選人數之多，所以為免在電視城門外日曬雨淋，提醒大家要帶遮保護自己。此外，為唱歌時可以達到最佳狀態，提醒大家盡量戴口罩、帶備暖水、潤唇膏和喉糖，不過比以上東西更加重要的竟然是外套，他形容重要程度達五粒星星，他說：「錄影廠入面冷氣好大，如果一路等身體冇暖身，就會進入一個好凍好凍嘅狀態，咁你凍嘅時候點唱歌呢？唱首歌都好似打晒冷震咁，成把聲就『梗』晒！所以外套真係非常非常非常之重要！」

周吉佩提大家最重要揀飲歌，要對歌曲夠熟悉，而且短短半首歌之內的時間展現到唱功。雖然可以自備結他或者樂器伴奏，不過他提醒大家：「當然要自己衡量啦，如果你彈結他又唱歌會影響到唱歌的話，咁我就覺得真係唔好（試）喇！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組