麥大力罕有放閃攬女友行紅地氈 簡淑兒投訴機師男友竟有「近視」？

37歲的麥大力2020年受疫情影響，成為國泰港龍航空裁減的機師之一，咁啱TVB舉辦《衝上雲霄大選》比賽招攬航空界人員做藝人，麥大力亦為咗圓媽媽夢想參賽，最終以大熱姿態贏得冠軍並加入TVB。麥大力參與幕前工作唔算多，不過都因為拍節目認識女友簡淑兒，雖然早前佢已經恢復機師身分，再次起航，但都冇影響到佢同女友關係，日前佢仲罕有post合照放閃添！

同場加映：港姐首輪面試學歷同年齡偏高   一片睇晒今屆參選佳麗質素

{{hket:ul-video id="8430"}}{{/hket:ul-video}}

麥大力同女友簡淑兒日前齊齊受邀出席電影《變形金剛：狂獸崛起》首映，麥大力着上全套黑色西裝，一如以往咁有型sharp醒；而簡淑兒就着上白色透視紗裙，同男友好合襯。相中見到簡淑兒輕挽男友手臂，而麥大力都有攬住女友纖腰，大方畀大家影合照，二人罕有地高調恩愛，仲閃過紅地氈嘅閃光燈呀！

{{hket:inline-image name="3.jpeg"}}{{/hket:inline-image}}

港英混血兒麥大力不諳廣東話，加入無綫後曾於《愛回家之開心速遞》、《雙生陌生人》、《十八年後的終極告白2.0》、《有種好男人》及《廉政狙擊》等客串演出，發揮空間唔大。隨後安排他主持明珠台的《港生活·港享受》，以母語英文擔任主持人，並參與部分翡翠台的慈善騷。

麥大力同女友於主持《SUPER FIVE》嘅特備節目時撻着，不過節目只在myTV SUPER播出，收視同迴響都唔係特別大。二人拍拖約兩年時間，經常齊齊上山下海，非常合拍！不過日前簡淑兒就對男友有「投訴」，事關佢post出幾張男友視角嘅相片，相中嘅簡淑兒前面都係有食物，而麥大力嘅相機就全部都對焦落食物度，喺後面做晒可愛表情嘅女友就out晒fo，簡淑兒留言表示無奈：「佢應該近視。」睇嚟麥大力都係一個鋼鐵直男嚟！

圖片來源：Instagram