中年好聲音丨涂家堯人氣升狂接騷不忘愛心 主動為麵店姐姐撲飛兼幫手請假

《中年好聲音》的口碑相當之好，TVB承接勢頭將於本月11日（周日）將會舉行《中年好聲音2》的第一輪海選，而《中》第一輯入面的頭廿六強參賽者在節目過後人氣急升，接到各類表演工作邀約，發展不錯。其中第九名的涂家堯不停接騷，昨晚在《真情》「高校長」林小湛的生日壽宴上獻唱，又跟粉絲「涂寶們」舉辦首次聚會，非常活躍。

同場加映：

林明禎生日狂收BLACKPINK Lisa禮物 願紆尊降貴為偶像打雜做阿四

{{hket:ul-video id="8377"}}{{/hket:ul-video}}

中年好聲音丨支嚳儀無怨被醫學世家堵夢想路 涂家堯重視比賽友情成意外收穫【下一頁】

{{hket:inline-image name="339503134_2135507883321630_3716442796782892548_n.jpg"}}{{/hket:inline-image}}

{{hket:inline-image name="339495931_170045802627543_8892929104375977598_n.jpg"}}{{/hket:inline-image}}

{{hket:inline-image name="339642184_1385312802253907_3456836022296635327_n.jpg"}}{{/hket:inline-image}}

家堯在IG留言：「呢日對我嚟講係一個好特別嘅日子，因為呢日係我40歲人生嘅第一個粉絲聚會。當晚完咗返到屋企，自己喺度諗，我何得何能可以有你哋咁樣支持我？你哋每一個笑容每一個眼神，我都會好好咁記住。因為我知道我要不斷努力，不斷進步，先可以報答到現場呢三十幾位，同所有陪我開展音樂道路嘅粉絲們！多謝大家送嘅花、公仔、咕𠱸，朱古力同紅酒，其實當晚最大嘅禮物就係你哋嘅岀現。」

家堯得到大家的支持，不忘利用他的影響力行善做好事。日前一家車仔麵店出Po分享，是家堯跟一位店家職員的姐姐V姐的合照，該Po並留言大讚家堯，當他知悉V姐鍾意葉振棠，特別為她準備演唱會飛做禮物，「咁啱佢又將會做葉振棠演唱會嘅表演嘉賓，所以佢專登問主辦單位攞咗張靚飛送畀V姐。起初V姐係咁話唔去唔去，話要返舖頭做嘢，最後家堯用佢嘅方法聯絡到華記店長，同心合力，一齊將呢個驚喜，送咗比（畀）V姐！喺度要再一次多謝呢位好好心，好好人嘅客人，我哋亦希望你嘅演藝同歌唱事業可以發光發亮。」

{{hket:inline-image name="350843945_657449866199456_8582686077977469533_n.jpg"}}{{/hket:inline-image}}

家堯接受《晴報》電話訪問，他表示：「我成日去嗰間車仔麵店同朋友食宵夜，V姐好好人，對我哋招呼都好好，之前我參賽，佢大大聲同周圍食店講，記得支持我！我知佢鍾意葉振棠，咁啱做葉振棠演唱會神秘嘉賓，所以就安排兩張飛畀佢，點知佢話唔請得假而拒絕我。佢其實好想睇，不過工作放唔低，所以我好轉折咁搵Bob爺（林盛斌），知佢係熟客一定識老闆，就同老闆溝通啦，最終促成呢件事。」他表示V姐演唱會當晚睇得好開心又投入，仲不時拍片畀佢睇，「我覺得係好事，有能力做到咪盡做囉！V姐最搞笑話將來退休，一定要會做追星族，要支持我，支持涂家堯，真係好可愛！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組